നെറ്റ്‌വർക്ക് കണക്റ്റിവിറ്റി ഉറപ്പാക്കുന്നതിനും എയർലൈനിന്റെ ആഗോള നെറ്റ്‌വർക്കിലുടനീളമുള്ള തടസ്സങ്ങൾ കുറയ്ക്കുന്നതിനുമായി വരും ആഴ്ചകളിൽ നിരവധി വിമാനങ്ങളുടെ സമയക്രമത്തിൽ മാറ്റങ്ങൾ വരുത്തിയതായി ഖത്തർ എയർവേയ്‌സ് പ്രഖ്യാപിച്ചു.
2025 ജൂൺ 22 മുതൽ പ്രാബല്യത്തിൽ വരുന്ന ചില ഡിപാർച്ചർ സമയങ്ങൾ ആദ്യം നിശ്ചയിച്ചിരുന്നതിനേക്കാൾ നേരത്തെയാകാമെന്ന് എയർലൈൻ അവരുടെ യാത്രാ അലേർട്ടുകളിൽ വ്യക്തമാക്കി.
ആഗോള നെറ്റ്‌വർക്കിന്റെ സമഗ്രത, വിശ്വാസ്യത, പ്രതിരോധശേഷി എന്നിവ സംരക്ഷിക്കുന്നതിനാണ് ഈ മാറ്റങ്ങൾ എന്നും ഖത്തർ എയർവേയ്‌സ് പറഞ്ഞു.
“യാത്രയ്ക്ക് മുമ്പ്, സുഗമമായ യാത്ര ഉറപ്പാക്കാൻ qatarairways.com വഴിയോ ഖത്തർ എയർവേയ്‌സ് മൊബൈൽ ആപ്പ് ഉപയോഗിച്ചോ യാത്രക്കാർ അവരുടെ ഡിപാർച്ചർ സമയം പരിശോധിക്കാൻ അഭ്യർത്ഥിക്കുന്നു,” ഖത്തർ ദേശീയ എയർലൈൻ ഉപദേശിച്ചു.
യാത്രക്കാരുടെയും ജീവനക്കാരുടെയും സുരക്ഷയാണ് തങ്ങളുടെ ഏറ്റവും ഉയർന്ന മുൻഗണനയെന്നും സുരക്ഷിതമായ വിമാന റൂട്ടുകൾക്കായുള്ള അന്താരാഷ്ട്ര വ്യോമയാന ചട്ടങ്ങൾ പൂർണ്ണമായും പാലിക്കുന്നുണ്ടെന്നും എയർലൈൻ വ്യക്തമാക്കി.
