ക്യുഒസി ഹാഫ് മാരത്തണിന് ഇനി ദിവസങ്ങൾ മാത്രം ബാക്കി, അവസാന തയ്യാറെടുപ്പുകൾ നടത്തി ഖത്തർ ഒളിമ്പിക് കമ്മിറ്റി
ആദ്യത്തെ ക്യുഒസി ഹാഫ് മാരത്തണിന് 10 ദിവസത്തോളം മാത്രം ബാക്കിനിൽക്കെ, ഖത്തർ ഒളിമ്പിക് കമ്മിറ്റി (ക്യുഒസി) അതിനു വേണ്ടിയുള്ള അവസാന തയ്യാറെടുപ്പുകൾ നടത്തുകയാണ്.
ഖത്തർ ദേശീയ കായിക ദിനത്തിൻ്റെ ഭാഗമായി ഫെബ്രുവരി 11ന് ലുസൈൽ ബൊളിവാർഡിലാണ് പരിപാടി. എല്ലാവരിലും കായിക വിനോദങ്ങൾ പ്രോത്സാഹിപ്പിക്കാനും ഖത്തർ നാഷണൽ വിഷൻ 2023-നെ പിന്തുണയ്ക്കാനും ഇത് ലക്ഷ്യമിടുന്നു.
നാല് റേസ് വിഭാഗങ്ങളുണ്ട്, അതിനാൽ എല്ലാ പ്രായത്തിലും, ഫിറ്റ്നസ് ലെവലിലുമുള്ള ആളുകൾക്ക് ചേരാം:
21 കിലോമീറ്റർ ഹാഫ് മാരത്തൺ
10 കിലോമീറ്റർ ഓട്ടം
5 കിലോമീറ്റർ ഓട്ടം
1 കി.മീ ഫൺ ഓട്ടം (6-14 വയസ്സുള്ള കുട്ടികൾക്കായി)
നിരവധി പേർ വോളണ്ടിയർഷിപ്പിനായി അപേക്ഷിച്ചിട്ടുണ്ടെങ്കിലും നിശ്ചിത മാനദണ്ഡങ്ങൾക്കനുസൃതമായി 230 പേരെ മാത്രമേ തിരഞ്ഞെടുക്കൂവെന്ന് വോളൻ്റിയേഴ്‌സ് ആൻഡ് സസ്റ്റൈനബിലിറ്റി കമ്മിറ്റി മേധാവി അംന അൽ-അൻസാരി പറഞ്ഞു. ഇവൻ്റ് സുഗമമാക്കാൻ ഈ സന്നദ്ധപ്രവർത്തകർ സഹായിക്കും.
ക്യുഒസി ഒരു വോളണ്ടിയർ ഡാറ്റാബേസ് നിർമ്മിക്കുന്നതിനാൽ ഭാവി പരിപാടികളിൽ സഹായിക്കാൻ രജിസ്റ്റർ ചെയ്‌ത വോളണ്ടിയർമാരെ ക്ഷണിക്കാൻ കഴിയുമെന്നും അവർ കൂട്ടിച്ചേർത്തു.
വോളൻ്റിയർമാർ ലോജിസ്റ്റിക്‌സിൽ സഹായിക്കുകയും പങ്കെടുക്കുന്നവരെ നയിക്കുകയും എല്ലാം സുഗമമായി നടക്കുന്നുണ്ടെന്ന് ഉറപ്പാക്കി ആളുകളെ നിയന്ത്രിക്കുകയും ചെയ്യും.
ഇവരെ തയ്യാറാക്കുന്നതിനായി ക്യുഒസി ആസ്ഥാനത്ത് പ്രത്യേക പരിശീലന സെഷൻ സംഘടിപ്പിക്കും. വോളണ്ടിയർമാർക്ക് ചുമതല നിർദ്ദേശങ്ങൾ, ഔദ്യോഗിക പാസുകൾ, യൂണിഫോം എന്നിവ ലഭിക്കും. യഥാർത്ഥ മത്സരത്തിന് മുമ്പ് പരിശീലനത്തിനായി അവർ ലുസൈൽ ബൊളിവാർഡും സന്ദർശിക്കും.
ക്യുഒസി ഖത്തറിലെ സർവ്വകലാശാലകളുമായി സഹകരിച്ച്, വോളണ്ടിയറായി, പരിപാടിയുടെ ഭാഗമാകാൻ വിദ്യാർത്ഥികളെ പ്രോത്സാഹിപ്പിക്കുന്നുണ്ട്.
വ്യക്തികളിൽ നിന്നും കുടുംബങ്ങളിൽ നിന്നും പരിപാടിക്ക് വളരെയധികം താൽപ്പര്യം ലഭിക്കുന്നുണ്ടെന്ന് കമ്മ്യൂണിക്കേഷൻ കമ്മിറ്റി മേധാവി അബ്ദുല്ല അൽ മറി പറഞ്ഞു.
“നമ്മുടെ കമ്മ്യൂണിറ്റിയിൽ സ്പോർട്ട്സ് കൂടുതൽ പ്രാധാന്യമർഹിക്കുന്നതായി ഉയർന്ന രജിസ്ട്രേഷനുകൾ കാണിക്കുന്നു.” അദ്ദേഹം പറഞ്ഞു.
ഈ പ്രത്യേക കായിക പരിപാടി ഒരുമിച്ച് ആസ്വദിക്കാൻ നിരവധി കുടുംബങ്ങൾ ചേരുന്നുണ്ട്.
രജിസ്ട്രേഷൻ ഇപ്പോഴും തുറന്നിരിക്കുന്നു, പങ്കെടുക്കാൻ ആഗ്രഹിക്കുന്നവർക്ക് ഖത്തർ ഒളിമ്പിക് കമ്മിറ്റിയുടെ ഔദ്യോഗിക സോഷ്യൽ മീഡിയ പേജുകൾ വഴി സൈൻ അപ്പ് ചെയ്യാം.
ഖത്തറിലെ വാർത്തകളും വിവരങ്ങളും തത്സമയം ലഭിക്കാൻ -വാട്ട്സ്ആപ്പ് ഗ്രൂപ്പ് 👇https://chat.whatsapp.com/KIN30zTLtBDKISiedAzBHx
