അൽ ഖോർ: യമനീ മന്തിയുടെ രുചിഭേദങ്ങൾക്ക് മാത്രമായി ഖത്തർ, അൽ ഖോറിൽ ‘അറബ് അൽ മന്തി’ റസ്റ്ററന്റ് ഇന്ന് മുതൽ പ്രവർത്തനം ആരംഭിക്കുന്നു. ഇന്ന് വൈകിട്ട് 4 നാണ് റസ്റ്ററന്റിന്റെ ഔദ്യോഗിക ഉദ്ഘാടനം. അൽ ഖോറിലെ പാനൂർ റസ്റ്ററന്റിന് സമീപം അൽ ഖോർ മാളിന് എതിർവശമായാണ് കേന്ദ്രം സ്ഥിതി ചെയ്യുന്നത്.
ഖത്തറിൽ ഇതിനോടകം സ്വദേശികൾ ഉൾപ്പെടെയുള്ളവരുടെ മനം കവർന്ന പാനൂർ റസ്റ്ററന്റുകളുടെ സഹോദര സ്ഥാപനമായാണ് അറബ് അൽ മന്തിയുമെത്തുന്നത്.
തനത് യമനീ മന്തികളുടെ ഏറ്റവും പരമ്പരാഗത പാചകവും രുചികളുമാണ് അറബ് അൽ മന്തി ഭക്ഷണശാലയെ വേറിട്ട് നിർത്തുക. പേര് മുതൽ പാചക വിദ്ഗധരിൽ വരെ ഈ അറബ് തദ്ദേശീയത റസ്റ്ററന്റ് അണിയറക്കാർ അവകാശപ്പെടുന്നു. ഒപ്പം സമൃദ്ധമായ വെറൈറ്റികളും പരീക്ഷണങ്ങളും ഉറപ്പുതരുന്നുമുണ്ട്.
വൈകിട്ട് 4 ന് ഉദ്‌ഘാടന ചടങ്ങിലേക്ക് അൽ ഖോർ സമീപങ്ങളിലുള്ള എല്ലാ ഭക്ഷണപ്രേമികളേയും അണിയറക്കാർ സ്വാഗതം ചെയ്തു.
