ഖത്തർ റോഡിൽ നമ്പർ പ്ലേറ്റില്ലാതെ ഓടിക്കൊണ്ടിരുന്ന മറ്റൊരു വാഹനം കൂടി ട്രാഫിക് പട്രോൾ വിഭാഗം പിടികൂടി. സൽവ റോഡിൽ ലൈസൻസ് പ്ലേറ്റില്ലാതെ ഓടിച്ച നിരവധി വാഹനങ്ങൾ ദിവസങ്ങൾക്കുമുമ്പ് പിടിച്ചിരുന്നു. ട്രാഫിക് നിയന്ത്രിക്കാനുള്ള ശ്രമങ്ങളുടെ തുടർച്ചയാണ് ഏറ്റവും പുതിയ സംഭവമെന്ന് ഡിപ്പാർട്ട്‌മെന്റ് ഔദ്യോഗിക ട്വിറ്റർ ഹാൻഡിലിൽ പറഞ്ഞു.
ഖത്തർ നിയമമനുസരിച്ച്, ലൈസൻസ് പ്ലേറ്റ് ഇല്ലാതെ വാഹനമോടിച്ചാൽ കുറഞ്ഞത് 3000 റിയാൽ പിഴയും മൂന്ന് പെനാൽറ്റി പോയിന്റും ലഭിക്കും. വാഹനങ്ങൾ കണ്ടുകെട്ടി, ഡ്രൈവർമാർക്കെതിരെയാണ് നിയമനടപടികൾ സ്വീകരിക്കുക.
വാഹനത്തിന്റെ ലൈസൻസ് പ്ലേറ്റ് നഷ്‌ടപ്പെടുകയോ കേടുപാടുകൾ സംഭവിക്കുകയോ ചെയ്‌താൽ എത്രയും വേഗം ട്രാഫിക് ഡിപ്പാർട്ട്‌മെന്റിനെ അറിയിക്കണം, ഖത്തറിന് പുറത്താണ് സംഭവമെങ്കിൽ ഉണ്ടായാൽ അടുത്തുള്ള ഖത്തർ നയതന്ത്ര ഓഫീസിൽ അറിയിക്കണം.
ട്രാഫിക് നിയമവും അതിന്റെ നിയന്ത്രണങ്ങളും പാലിക്കാൻ എല്ലാ വാഹനമോടിക്കുന്നവരോടും വകുപ്പ് അഭ്യർത്ഥിച്ചു.
🇶🇦 ഖത്തറിലെ വാർത്തകളും വിവരങ്ങളും തത്സമയം ലഭിക്കാൻ -വാട്ട്സ്ആപ്പ് ഗ്രൂപ്പ്👇https://chat.whatsapp.com/KNjF4YIFR12BVGJHu9svlJ
