2026-2027 ലെ യുനെസ്കോ അനുസ്മരണ പരിപാടികളുടെ പട്ടികയിൽ ഖത്തർ യൂണിവേഴ്‌സിറ്റി സ്ഥാപിതമായതിന്റെ 50-ാം വാർഷികം ഉൾപ്പെടുത്തി. ഉസ്ബെക്കിസ്ഥാനിലെ സമർഖണ്ഡിൽ നടന്ന ഐക്യരാഷ്ട്രസഭയുടെ വിദ്യാഭ്യാസ, ശാസ്ത്ര, സാംസ്കാരിക സംഘടന (യുനെസ്കോ)യുടെ 43-ാമത് സെഷനിലാണ് തീരുമാനത്തിന് ഔദ്യോഗിക അംഗീകാരം നൽകിയതെന്ന് ഖത്തർ സർവകലാശാല (ക്യുയു) പറഞ്ഞു.
ഖത്തറും ഖത്തർ നാഷണൽ കമ്മീഷൻ ഫോർ എഡ്യൂക്കേഷൻ, കൾച്ചർ ആൻഡ് സയൻസും സമർപ്പിച്ചതും, അംഗരാജ്യങ്ങളുടെ നിരവധി ദേശീയ കമ്മീഷനുകളുടെ പിന്തുണയോടെയുമുള്ള ഒരു നിർദ്ദേശത്തെ തുടർന്നാണ് ഈ തീരുമാനമെന്ന് സർവകലാശാല വ്യക്തമാക്കി.
