ദോഹ: വെള്ളിയാഴ്ച ഖത്തറിലെ ചില പാതകള് താൽക്കാലികമായി അടക്കുമെന്ന് അഷ്ഗാൽ അറിയിച്ചു. ജാസിം ബിൻ മുഹമ്മദ് അൽതാനി സ്ട്രീറ്റിന്റെയും ഉമ്മുസ്ലാൽ നോർത്ത് റോഡിന്റെയും കവലയുടെ എല്ലാ ദിശകളിലുമുള്ള നിരവധി പാതകളാണ് അടക്കുക.
അടച്ചിടൽ 2022 ഓഗസ്റ്റ് 26 വെള്ളിയാഴ്ച പുലർച്ചെ 1 മുതൽ രാവിലെ 10 വരെ നീണ്ടുനിൽക്കും.
അസ്ഫാൽറ്റ് അറ്റകുറ്റപ്പണികൾ പൂർത്തിയാക്കുന്നതിനാണ് അടച്ചിടലെന്നു അഷ്ഗൽ വ്യക്തമാക്കി.
