5,260 ചതുരശ്ര മീറ്റർ വിസ്തൃതിയിൽ ലോകത്തിലെ ഏറ്റവും വലിയ മൃഗശാലയായി തങ്ങളുടെ പുതിയ അനിമൽ സെൻ്റർ തുറന്ന് ഖത്തർ എയർവേയ്‌സ് കാർഗോ. ഹമദ് ഇൻ്റർനാഷണൽ എയർപോർട്ടിനും ഖത്തർ എയർവേയ്‌സ് എയർക്രാഫ്റ്റ് മെയിൻ്റനൻസ് ഹാംഗറിനും സമീപം സ്ഥിതി ചെയ്യുന്ന സെന്റർ ഇന്നലെ ഉദ്ഘാടനം ചെയ്തു.
ആഗോളതലത്തിൽ ഏറ്റവും വലിയ മൃഗ വാഹക (animal transport) കമ്പനി എന്ന നിലയിൽ, പുതിയ കേന്ദ്രത്തിൽ നിക്ഷേപം നടത്തി മൃഗസംരക്ഷണത്തിനായുള്ള തങ്ങളുടെ പ്രതിബദ്ധത ഖത്തർ എയർവേയ്‌സ് കാർഗോ ആവർത്തിച്ചു. ഓപ്പണിംഗിനൊപ്പം, ലൈവ് മൃഗങ്ങളുടെ ഗതാഗതത്തിൽ പുതിയ മാനദണ്ഡങ്ങളും കമ്പനി വ്യക്തമാക്കി.
നാലര വർഷത്തെ ആസൂത്രണത്തിൽ നിർമിച്ച ഈ സൗകര്യം 24/7 വെറ്റിനറി പരിചരണവും വിവിധ മൃഗങ്ങളുടെ ആവശ്യങ്ങൾക്കനുസൃതമായി വിപുലമായ സൗകര്യങ്ങളും ഉൾക്കൊള്ളുന്നു. 140 ഡോഗ് ഷെൽട്ടറുകളും, 40 ക്യാറ്റ് ഷെൽട്ടറുകളും, നാല് സോണുകളിലായി 24 കുതിരലായങ്ങളും, പ്രത്യേക വെന്റിലേഷനോടെ സജ്ജീകരിച്ചിട്ടുണ്ട്.
ദിവസം പ്രായമുള്ള കുഞ്ഞുങ്ങൾ, പക്ഷികൾ, മത്സ്യം, ഉരഗങ്ങൾ, വിദേശ സ്പീഷീസുകൾ എന്നിവയുൾപ്പെടെ നിരവധി മൃഗങ്ങളെ പരിപാലിക്കുന്ന പ്രത്യേക മേഖലകളും ഇവിടെയുണ്ട്.
വിപുലമായ ഹീറ്റിംഗ്, വെൻ്റിലേഷൻ, എയർ കണ്ടീഷനിംഗ് (HVAC) സംവിധാനങ്ങളും കാര്യക്ഷമമായ പ്രവർത്തനത്തിനായി ഒന്നിലധികം ഡോക്കുകളും ഉൾപ്പെടെയുള്ള അത്യാധുനിക സാങ്കേതിക വിദ്യയാണ് അഡ്വാൻസ്ഡ് അനിമൽ സെൻ്ററിന്റെ പ്രത്യേകത.
47 യൂണിറ്റ് ലോഡ് ഡിവൈസ് (ULD) സ്ഥാനങ്ങൾ വരെ ശേഷിയുള്ള ഈ സൗകര്യം, വൈവിധ്യമാർന്ന മൃഗങ്ങളുടെ ഗതാഗത ആവശ്യങ്ങൾ കൃത്യതയോടെയും ശ്രദ്ധയോടെയും കൈകാര്യം ചെയ്യാൻ സജ്ജീകരിച്ചിരിക്കുന്നു.
“ഞങ്ങളുടേത് ഒരു 5-സ്റ്റാർ എയർലൈനാണ്, ഞങ്ങൾക്ക് ഒരു 5-സ്റ്റാർ വിമാനത്താവളം ഉണ്ട്. ഞങ്ങൾക്ക് ഇപ്പോൾ ഒരു 5-സ്റ്റാർ മൃഗ സൗകര്യവുമുണ്ട്. ജീവനുള്ള മൃഗങ്ങളെ ട്രാൻസ്‌പോർട്ട് ചെയ്യാൻ ഏതൊരാൾക്കും ഇവിടെ സൗകര്യം ഒരുക്കിയിട്ടുണ്ട്. എന്നാൽ ഈ ഭൗതിക സൗകര്യം നിർമിക്കാൻ ഞങ്ങൾ ധാരാളം പണം ചെലവഴിച്ചില്ല. പകരം ഞങ്ങൾ വളരെയധികം ചിന്തിച്ചത് – മൃഗങ്ങളുടെ വൈകാരിക ആവശ്യങ്ങൾ എങ്ങനെ പരിഹരിക്കാം എന്നതിലാണ്. കാരണം, അവർ യാത്ര ചെയ്യുമ്പോൾ – അത് സമ്മർദപൂരിതമാണ്, മൃഗങ്ങൾക്ക് ആ സമ്മർദ്ദം കുറയ്ക്കാൻ സാധ്യമായതെല്ലാം ഞങ്ങൾ ചെയ്യുന്നു, അതുവഴി അവർക്ക് മറ്റെവിടെയുമുള്ളതിനേക്കാൾ മികച്ച അനുഭവം ഇവിടെ ലഭിക്കും,” ഖത്തർ എയർവേയ്‌സ് കാർഗോ ചീഫ് ഓഫീസർ കാർഗോ, മാർക്ക് ഡ്രൂഷ് പറഞ്ഞു.
🇶🇦 ഖത്തറിലെ വാർത്തകളും വിവരങ്ങളും തത്സമയം ലഭിക്കാൻ -വാട്ട്സ്ആപ്പ് ഗ്രൂപ്പ്👇https://chat.whatsapp.com/KzKal0sXKHF3P2dagEwpi5
