2025 ഫിഫ അറബ് കപ്പിന് ദിവസങ്ങൾ മാത്രം ശേഷിക്കെ, ഇന്ന് ഓൾഡ് ദോഹ തുറമുഖത്ത് വർണ്ണാഭമായ ‘അറബ് ഫാൻ വാക്കിനായി’ അറബ് ലോകത്തുടനീളമുള്ള നൂറുകണക്കിന് ആരാധകർ ഒത്തുകൂടി. തങ്ങളുടെ ടീമുകൾക്ക് ആശംസകൾ അർപ്പിച്ചു കൊണ്ട് 23 രാജ്യങ്ങളിൽ നിന്നുമുള്ള ആരാധകർ അവരുടെ ദേശീയ പതാകകളുമായി പദയാത്രയിൽ പങ്കുചേർന്നു.
ഡിസംബർ 1 മുതൽ 18 വരെ അൽ ബൈത്ത്, അഹമ്മദ് ബിൻ അലി, എഡ്യൂക്കേഷൻ സിറ്റി, ഖലീഫ ഇന്റർനാഷണൽ, സ്റ്റേഡിയം 974, ലുസൈൽ എന്നീ ആറ് ലോകകപ്പ് സ്റ്റേഡിയങ്ങളിലായി നടക്കുന്ന ഫിഫ അറബ് കപ്പ് ഖത്തർ 2025 ന്റെ ആവേശം എടുത്തുകാട്ടുന്നതായി ചടങ്ങ്.
പതിനാറ് ടീമുകൾ കിരീടത്തിനായി കളിക്കും. ഫിഫ റാങ്കിംഗിലൂടെ ഒമ്പത് ടീമുകൾ ഇതിനകം യോഗ്യത നേടിയിട്ടുണ്ട്. ശേഷിക്കുന്ന ഏഴ് സ്ഥാനങ്ങൾ നേടുന്നതിനായി നവംബർ 25 മുതൽ 26 വരെ ഖത്തറിൽ നടക്കുന്ന യോഗ്യതാ മത്സരങ്ങളിൽ പതിനാല് രാജ്യങ്ങൾ കൂടി പങ്കെടുക്കും.
സന്ദർശകർക്ക് ഉജ്ജ്വലമായ അനുഭവം നൽകുന്നതിന് ടൂർണമെന്റിൽ ഫാൻ സോണുകൾ, സാംസ്കാരിക ഷോകൾ, സംഗീത പരിപാടികൾ എന്നിവ ഉണ്ടായിരിക്കും. എല്ലാ വേദികളും ഖത്തറിലെ പൊതുഗതാഗത സംവിധാനത്തിലൂടെ ബന്ധിപ്പിച്ചിരിക്കുന്നു, .
2025 ലെ ഫിഫ അറബ് കപ്പ് ഖത്തർ മത്സരങ്ങളുടെ ടിക്കറ്റുകൾ, യോഗ്യതാ മത്സരങ്ങൾ ഉൾപ്പെടെ, www.roadtoqatar.qa എന്ന വെബ്സൈറ്റിൽ ലഭ്യമാണ്.
