ലണ്ടൻ ആസ്ഥാനമായുള്ള പ്രശസ്തമായ ഓർഗാനിക് കോഫി, ഫ്രഷ് ഫുഡ് ബ്രാൻഡായ പ്രെറ്റ് എ മാംഗറിന്റെ ഖത്തർ ഫ്രാഞ്ചൈസിയായി അൽ മന ഹോൾഡിംഗ്. പ്രെറ്റ് എ മാംഗറിന്റെ, കുവൈറ്റ്, സൗദി, ഖത്തർ എന്നിവിടങ്ങളിലെ മാസ്റ്റർ ഫ്രാഞ്ചൈസി കമ്പനിയായ വൺ പിഎം ഹോൾഡിംഗ് ഖത്തറിലെ അൽ മന ഹോൾഡിംഗിന് സബ് ഫ്രാഞ്ചൈസി അവകാശം അനുവദിച്ചു.
കഴിഞ്ഞയാഴ്ച അൽ മന ഹോൾഡിംഗിന്റെ സാൽവ റോഡ് ആസ്ഥാനത്ത് നടന്ന മാധ്യമ സമ്മേളനത്തിലാണ് ഫ്രാഞ്ചൈസി പങ്കാളിത്തം ഒപ്പുവെച്ചത്. ഇത് മിഡിൽ ഈസ്റ്റിലെ പ്രെറ്റിന്റെ വളർച്ചയിൽ മറ്റൊരു കാൽവെപ്പാണ്.
ലോകത്തിലെ ഏറ്റവും വലുതും വിജയകരവുമായ ചില ബ്രാൻഡുകളെ പ്രതിനിധീകരിക്കുന്ന അൽ മന ഹോൾഡിംഗ്, എട്ട് രാജ്യങ്ങളിലായി 55-ലധികം കമ്പനികൾ പ്രവർത്തിപ്പിക്കുന്ന ഖത്തറി കോർപ്പറേറ്റ് ആണ്. കൂടാതെ റീട്ടെയിൽ, ഫുഡ് & ബിവറേജ് എന്നിവയുൾപ്പെടെ വിവിധ മേഖലകളിലായി 3,500-ലധികം പേർ കമ്പനിയിൽ ജോലി ചെയ്യുന്നു.
🇶🇦 ഖത്തറിലെ വാർത്തകളും വിവരങ്ങളും തത്സമയം ലഭിക്കാൻ -വാട്ട്സ്ആപ്പ് ഗ്രൂപ്പ്👇https://chat.whatsapp.com/KNjF4YIFR12BVGJHu9svlJ
