ദോഹ: ഖത്തറിലെ പ്രമുഖ വ്യവസായ കേന്ദ്രമായ റാസ് ലഫാൻ ഇൻഡസ്ട്രിയൽ സിറ്റിക്ക് നേരെ ഇന്ന് വൈകുന്നേരം മിസൈൽ ആക്രമണമുണ്ടായതായി ഖത്തർ എനർജി സ്ഥിരീകരിച്ചു. ആക്രമണത്തെത്തുടർന്ന് മേഖലയിൽ വലിയ തോതിലുള്ള നാശനഷ്ടങ്ങൾ സംഭവിച്ചതായാണ് പ്രാഥമിക വിവരം.
സംഭവത്തിന് പിന്നാലെ സ്ഥലത്ത് പടർന്നുപിടിച്ച തീ നിയന്ത്രിക്കാൻ എമർജൻസി റെസ്പോൺസ് ടീമുകളെ ഉടനടി വിന്യസിച്ചതായി ഔദ്യോഗിക പ്രസ്താവനയിൽ പറയുന്നു.
അതേസമയം, അപകടത്തിൽ ആർക്കും പരിക്കേൽക്കുകയോ ജീവഹാനി സംഭവിക്കുകയോ ചെയ്തിട്ടില്ലെന്ന് അധികൃതർ അറിയിച്ചു. അവിടെയുണ്ടായിരുന്ന മുഴുവൻ ജീവനക്കാരെയും സുരക്ഷിതരായി കണ്ടെത്തിയിട്ടുണ്ട്. നിലവിലെ സാഹചര്യങ്ങൾ സൂക്ഷ്മമായി നിരീക്ഷിച്ചു വരികയാണെന്നും വരും സമയങ്ങളിൽ കൂടുതൽ വിവരങ്ങൾ പുറത്തുവിടുമെന്നും ഖത്തർ എനർജി വ്യക്തമാക്കി.
