ഖത്തറിൽ 5 മുതൽ 11 വയസ്സ് വരെ പ്രായമുള്ള കുട്ടികൾക്കും കോവിഡ് വാക്സീന് പൊതുജനാരോഗ്യ മന്ത്രാലയത്തിന്റെ അംഗീകാരം. ഇനി മുതൽ 5-11 പ്രായമുള്ള കുട്ടികൾക്ക് ഫൈസർ-ബയോഎൻടെക് വാക്സീനുകൾ ഖത്തറിൽ നൽകും.
ഇന്ന് മുതൽ പിഎച്സിസി കേന്ദ്രങ്ങളിൽ കുട്ടികൾക്കുള്ള വാക്സീൻ ലഭ്യമായതായി മന്ത്രാലയം അറിയിച്ചു. സാധാരണ വാക്സീന്റെ മൂന്നിൽ ഒന്ന് ഡോസ് മാത്രമാണ് കുട്ടികൾക്ക് നൽകുന്നത്.
അപ്പോയിന്മെന്റിനായി പിഎച്സിസി ഹോട്ട്ലൈൻ നമ്പറായ 4027 7077 ൽ രക്ഷിതാക്കൾക്ക് വിളിക്കാം.
നിലവിൽ 12 വയസ്സിന് മുകളിൽ എല്ലാവർക്കും രാജ്യത്ത് വാക്സിനേഷൻ അനുവദനീയമാണ്. 12 വയസ്സിന് മുകളിൽ പ്രായമുള്ളവരിൽ രണ്ടാം ഡോസ് എടുത്ത് 6 മാസം പിന്നിട്ടവർ ബൂസ്റ്റർ ഡോസും ഖത്തറിൽ നൽകുന്നുണ്ട്.
