കാൽപന്ത് ആവേശത്തിൽ കൊടുമ്പിരി കൊള്ളുന്ന ഖത്തറിലേക്ക് മലയാളത്തിന്റെ താര നായകൻ മോഹൻലാലും എത്തുന്നു. ഇന്ത്യൻ എംബസി-ഇന്ത്യൻ സ്പോർട്സ് സെന്ററിന് കീഴിൽ ഒലിവ് സുനോ റേഡിയോയുടെ നേതൃത്വത്തിൽ സംഘടിപ്പിക്കുന്ന പ്രത്യേക ലോകകപ്പ് പരിപാടിയായ “മോഹൻലാൽ സല്യൂട്ടേഷൻസ് ടു ഖത്തർ” ഒക്ടോബർ 30 ന് നടക്കും.
ഫിഫ ലോകകപ്പിനായി കാത്തിരിക്കുന്ന ഖത്തറിനും മലയാളി സമൂഹത്തിനുമൊപ്പം ആവേശവും ഐക്യദാർഢ്യവും പങ്കുവെക്കാൻ ആണ് മലയാളത്തിന്റെ മഹാനടന്റെ വരവ്. ലോകകപ്പ് ആരാധകർക്കായി മോഹൻലാൽ ഒരുക്കിയ പ്രത്യേക സംഗീത ആൽബത്തിന്റെ പ്രകാശനവും വേദിയിൽ നടക്കും.
ഒക്ടോബർ 31 ന് ഡൈൻ വിത്ത് മോഹൻലാൽ എന്ന പരിപാടിയിലൂടെ മോഹൻലാലുമായി ആരാധകർക്ക് നേരിട്ടും സംവദിക്കാം.
ഈ പ്രത്യേക അവസരത്തിൽ കേരളീയ സമൂഹത്തിന്റെ പ്രതിനിധിയായി ഖത്തറിന് അഭിവാദനം അർപ്പിക്കുന്നതായി സംഘാടകർ പുറത്തുവിട്ട വിഡിയോയിൽ മോഹൻലാൽ പറഞ്ഞു.
ഐപേയും അൽജസീറ എക്സ്ചേഞ്ചും മുഖ്യ സ്പോണ്സർമാരാവുന്ന പരിപാടി പരിപാടിയുടെ വിഡിയോ ലോഞ്ച് കഴിഞ്ഞ ദിവസം റേഡിയോ സുനോ സ്റ്റുഡിയോയിൽ നടന്നു. ഇന്ത്യൻ സ്പോർട്സ് സെന്റർ പ്രസിഡന്റ് ഡോ.മോഹൻ തോമസിന്റെ നേതൃത്വത്തിൽ വാർത്ത സമ്മേളനവും നടത്തി.
🇶🇦 ഖത്തറിലെ വാർത്തകളും വിവരങ്ങളും തത്സമയം ലഭിക്കാൻ >വാട്ട്സ്ആപ്പ് ഗ്രൂപ്പിൽ ജോയിൻ ചെയ്യൂ👇 https://chat.whatsapp.com/CGezRNsh35nLZC0vevQaom
