ഭക്ഷ്യ ഉൽപാദനത്തിൽ പ്രാണികളുടെ ഉപയോഗം അംഗീകരിക്കാനുള്ള ചില രാജ്യങ്ങളുടെ തീരുമാനത്തിന്റെ പശ്ചാത്തലത്തിൽ നിലപാടുമായി ഖത്തർ പൊതുജനാരോഗ്യ മന്ത്രാലയം. പ്രാണികൾ അടങ്ങിയ ഭക്ഷ്യ ഉൽപന്നങ്ങൾ വിപണിയിൽ നിരോധിക്കുമെന്ന് മന്ത്രാലയം അറിയിച്ചു.
കാരണം, ഇത് ജിസിസിയുടെ പ്രസക്തമായ ചട്ടങ്ങൾക്ക് അനുസൃതമായ ഹലാൽ ഭക്ഷ്യ സാങ്കേതിക നിയന്ത്രണങ്ങളുമായി ഒത്തുപോകുന്നില്ല. പ്രാണികളുടെയോ അവയിൽ നിന്ന് വേർതിരിച്ചെടുക്കുന്ന പ്രോട്ടീനുകളുടെയും സപ്ലിമെന്റുകളുടെയും ഉപഭോഗവും അനുവദനീയമല്ല. യോഗ്യതയുള്ള അധികാരികളുടെ മതപരമായ അഭിപ്രായം ഇതിനോട് യോജിക്കുന്നില്ല.
ഭക്ഷ്യ ഉൽപന്നങ്ങളിലെ പ്രോട്ടീന്റെ ഉറവിടം കൃത്യമായി നിർണയിക്കുന്നതിന് മന്ത്രാലയം അന്താരാഷ്ട്ര അംഗീകൃത ലബോറട്ടറികൾ വഴിയും ഹലാൽ ആവശ്യകതകൾ അംഗീകൃത ഇസ്ലാമിക സ്ഥാപനങ്ങൾ വഴിയും പരിശോധിക്കും.
🇶🇦 ഖത്തറിലെ വാർത്തകളും വിവരങ്ങളും തത്സമയം ലഭിക്കാൻ -വാട്ട്സ്ആപ്പ് ഗ്രൂപ്പ്👇https://chat.whatsapp.com/ETZibLnOU6HDxQYluvP8Yi
