ഏഷ്യൻ ഫുട്ബോൾ കോൺഫെഡറേഷൻ (എഎഫ്‌സി) റിയാദ് 2025 ലെ എഎഫ്‌സി അവാർഡുകൾക്കുള്ള നോമിനികളുടെ പട്ടിക ഇന്ന് പ്രഖ്യാപിച്ചു. ഖത്തർ ദേശീയ ഫുട്ബോൾ ടീം കളിക്കാരനും അൽ സാദ് ക്ലബ് സ്‌ട്രൈക്കറുമായ അക്രം അഫിഫ് മൂന്ന് തവണ എഎഫ്‌സി പ്ലെയർ ഓഫ് ദ ഇയർ അവാർഡ് നേടുന്ന ആദ്യ കളിക്കാരനാകാനുള്ള സാധ്യതയും ഇതോടൊപ്പം ഉയർന്നു.
നിയോം അവതരിപ്പിക്കുന്ന അവാർഡ് ദാന ചടങ്ങ് 2025 ഒക്ടോബർ 16 ന് നടക്കും.
മലേഷ്യൻ താരം ആരിഫ് ഐമാൻ ഹനാപി, സൗദി അറേബ്യൻ മാസ്‌ട്രോ സലേം അൽ ദൗസാരി എന്നിവരുൾപ്പെടെ അഭിമാനകരമായ പ്ലെയർ ഓഫ് ദ ഇയർ അവാർഡിനായി മത്സരിക്കുന്ന ഒരു തിളക്കമാർന്ന താരനിരയുണ്ട്.
അതേസമയം, ഹോളി മക്‌നമാര, വാങ് ഷുവാങ്, ഹന തകഹാഷി എന്നിവർ എഎഫ്‌സി വനിതാ പ്ലെയർ ഓഫ് ദ ഇയർ അവാർഡിനായി മത്സരിക്കും.
2019 ലെ അംഗീകാരത്തിന് പുറമേ മുൻ പതിപ്പിലും അവാർഡ് നേടിയ അക്രം അഫിഫ്, 2024/25 ൽ എഎഫ്‌സി ചാമ്പ്യൻസ് ലീഗ് എലൈറ്റിൽ, റെക്കോർഡ് 18-ാം ലീഗ് കിരീടം ഉയർത്താനും അവസാന എട്ടിൽ എത്താനും അൽ സാദ് എസ്‌സിയെ സഹായിച്ചു.
ഫിഫ ലോകകപ്പ് യോഗ്യതാ മത്സരത്തിൽ തുടരുന്നതിനൊപ്പം 2027 ൽ സൗദി അറേബ്യയിൽ നടക്കുന്ന എ.എഫ്.സി ഏഷ്യൻ കപ്പിൽ ഖത്തറിന്റെ സ്ഥാനം ഉറപ്പാക്കിക്കൊണ്ട്, എ.എഫ്.സി ഏഷ്യൻ ക്വാളിഫയേഴ്‌സ് – റോഡ് ടു 26 ലും 28 കാരനായ താരം തിളങ്ങിയിരുന്നു.
