ജിസിസി രാജ്യങ്ങളിലെ പൗരന്മാർക്കും താമസക്കാർക്കും ഏതു സമയത്തും ഉംറ ചെയ്യാമെന്ന് സൗദി മന്ത്രാലയം

ഗൾഫ് സഹകരണ കൗൺസിൽ (ജിസിസി) രാജ്യങ്ങളിൽ നിന്നുള്ളവർക്ക് ഉംറ നിർവഹിക്കുന്നത് സൗദി അറേബ്യയുടെ ഹജ്ജ്, ഉംറ മന്ത്രാലയം എളുപ്പമാക്കി. ഇപ്പോൾ, ജിസിസി രാജ്യങ്ങളിലെ പൗരന്മാർക്കും താമസക്കാർക്കും ഏത് സമയത്തും ഉംറ ചെയ്യാനായി സൗദി അറേബ്യയിലേക്ക് വരാമെന്ന് മന്ത്രാലയം അറിയിച്ചു.

ജിസിസി പൗരന്മാർക്ക് നുസുക് ആപ്പ് വഴി ഉംറ എൻട്രി പെർമിറ്റ് നേടാമെന്നും കരമാർഗമോ വിമാനമാർഗമോ സൗദിയിലേക്ക് എത്താമെന്നും മന്ത്രാലയം വ്യക്തമാക്കി.

ജിസിസി നിവാസികൾക്ക് (പൗരന്മാരല്ലാത്തവർ) ഉംറ ചെയ്യാൻ വ്യത്യസ്ത വിസ ഓപ്ഷനുകൾ ഉണ്ട്:

– നുസുക് പ്ലാറ്റ്‌ഫോം വഴി ഉംറ വിസ

– ട്രാൻസിറ്റ് വിസ (സൗദിയയിലോ ഫ്ലൈനസിലോ യാത്ര ചെയ്യുന്നുണ്ടെങ്കിൽ)

– ടൂറിസ്റ്റ് വിസ (സൗദി വിദേശകാര്യ മന്ത്രാലയത്തിന്റെ വെബ്‌സൈറ്റിൽ അപേക്ഷിക്കാം)

അൽ-റൗദ അൽ-ഷെരീഫയിൽ ഉംറ ചെയ്യുന്നതിനോ പ്രാർത്ഥിക്കുന്നതിനോ മുമ്പ് എല്ലാ ജിസിസി പൗരന്മാരും താമസക്കാരും നുസുക് ആപ്പ് വഴി പെർമിറ്റ് നേടണമെന്ന് മന്ത്രാലയം അറിയിച്ചു.

തീർത്ഥാടന പ്രക്രിയ എളുപ്പവും കൂടുതൽ സുഖകരവുമാക്കാനുള്ള സൗദി അറേബ്യയുടെ ശ്രമങ്ങളുടെ ഭാഗമാണ് ഈ പുതിയ അപ്‌ഡേറ്റ്.

കൂടാതെ, അന്താരാഷ്ട്ര തീർഥാടകർക്കുള്ള ഉംറ വിസകൾ ജൂൺ 10-ന് വീണ്ടും ആരംഭിച്ചു, നുസുക് ആപ്പ് വഴിയുള്ള പെർമിറ്റുകൾ ജൂൺ 11-നും ആരംഭിച്ചു.

ഖത്തറിലെ വാർത്തകളും വിവരങ്ങളും തത്സമയം ലഭിക്കാൻ -വാട്ട്സ്ആപ്പ് ഗ്രൂപ്പ് 👇https://chat.whatsapp.com/LHsDNvsaDtU8kIXlVBkdon