ഫിഫ അണ്ടർ-17 വേൾഡ് കപ്പ് ഖത്തർ 2025 ലോക്കൽ ഓർഗനൈസിംഗ് കമ്മിറ്റി (LOC) ഇന്ന് RoadtoQatar ടിക്കറ്റിംഗ് ആപ്പ് പുറത്തിറക്കി. നവംബർ 3 മുതൽ 27 വരെ നടക്കുന്ന ടൂർണമെന്റിൽ പങ്കെടുക്കുന്ന ആരാധകർ നിർബന്ധമായും ഡൗണ്ലോഡ് ചെയ്തിരിക്കേണ്ടതാണ് ആപ്പ്.
വാങ്ങിയ ടിക്കറ്റുകൾ ആക്‌സസ് ചെയ്യുന്നതിനും ഫൈനലിനായി ആസ്പയർ സോണിലെയും ഖലീഫ ഇന്റർനാഷണൽ സ്റ്റേഡിയത്തിലെയും മത്സര സമുച്ചയത്തിലേക്ക് പ്രവേശനം നേടുന്നതിനും എല്ലാ കാണികളും ആപ്പ് ഡൗൺലോഡ് ചെയ്യണം.
ആരാധകർക്ക് സമഗ്രമായ ഡിജിറ്റൽ ടിക്കറ്റിംഗ് അനുഭവം ആപ്പ് നൽകുന്നു. അവരുടെ ടിക്കറ്റുകൾ തടസ്സമില്ലാതെ കാണാനും കൈകാര്യം ചെയ്യാനും സഹായിക്കുന്നു. സുഹൃത്തുക്കൾക്കും കുടുംബാംഗങ്ങൾക്കും ടിക്കറ്റുകൾ കൈമാറാൻ ആഗ്രഹിക്കുന്ന ആരാധകർക്ക് ആപ്പ് വഴിയും അത് ചെയ്യാൻ കഴിയും.
ആപ്പ് ഇപ്പോൾ iOS, Android എന്നിവയിൽ ഡൗൺലോഡ് ചെയ്യാൻ ലഭ്യമാണ്.
FIFA അറബ് കപ്പ് 2025, FIFA ഇന്റർകോണ്ടിനെന്റൽ കപ്പ് 2025 എന്നിവയുൾപ്പെടെ ഖത്തറിന്റെ വരാനിരിക്കുന്ന മെഗാ-സ്‌പോർട്‌സ് ഇവന്റുകൾക്കുള്ള ഏകീകൃത ടിക്കറ്റിംഗ് പ്ലാറ്റ്‌ഫോമായും RoadtoQatar ആപ്പ് പ്രവർത്തിക്കും. ഇത് ആരാധകർക്ക് ഒരൊറ്റ ആപ്ലിക്കേഷൻ വഴി എല്ലാ ടൂർണമെന്റുകളിലേക്കും തടസ്സമില്ലാതെ പ്രവേശനം നൽകുന്നു.
ഫിഫ അണ്ടർ 17 ലോകകപ്പ് ഖത്തർ 2025-ൽ ആകെ 48 ടീമുകൾ മാറ്റുരക്കും. ഒരു ദിവസം എട്ട് മത്സരങ്ങൾ വരെ നടക്കും, ആകെ 104 മത്സരങ്ങൾ. നവംബർ 27-ന് ഖലീഫ ഇന്റർനാഷണൽ സ്റ്റേഡിയത്തിൽ നടക്കുന്ന ഫൈനലോടെ ടൂർണമെന്റ് സമാപിക്കും.
ടിക്കറ്റുകൾ ഈ ലിങ്കിൽ ലഭ്യമാണ്: https://www.roadtoqatar.qa/en
