ആഗോളതലത്തിൽ പ്രശംസ നേടിയ മ്യൂസിക്കൽ “മേരി പോപ്പിൻസ്” ആദ്യമായി ഖത്തറിൽ അവതരിപ്പിക്കുമെന്ന് വിസിറ്റ് ഖത്തർ അറിയിച്ചു. 2026 മെയ് 11 മുതൽ 30 വരെയായിരിക്കും ഷോ.
പിഎൽ ട്രാവേഴ്സിന്റെ കഥകളിൽ നിന്നും ക്ലാസിക് ഡിസ്നി സിനിമയിൽ നിന്നും പ്രചോദനം ഉൾക്കൊണ്ടുള്ള ഈ ഷോ ഖത്തർ നാഷണൽ കൺവെൻഷൻ സെന്ററിലെ അൽ മായസ്സ തിയേറ്ററിൽ നടക്കും. 2 മണിക്കൂർ 45 മിനിറ്റ് ദൈർഘ്യമുള്ള മ്യൂസിക്കൽ മനോഹരമായ മുത്തശ്ശിക്കഥയാണ്. സംഗീതം, നൃത്തം, നാടകീയത ഇവയെല്ലാം ഒത്തുചേരുന്ന ഷോ കലാപ്രേമികൾക്ക് പ്രിയങ്കരമാകും.
ടിക്കറ്റുകൾ ഇപ്പോൾ വിൽപ്പനയിലുണ്ട്, 2025 ഡിസംബർ 13 വരെ 15% കിഴിവ് ലഭ്യമാണ്.
ഖത്തറിന്റെ ഇവന്റ് കലണ്ടർ വിപുലീകരിക്കുക, താമസക്കാർക്കും വിനോദസഞ്ചാരികൾക്കും കൂടുതൽ തിരഞ്ഞെടുപ്പുകൾ വാഗ്ദാനം ചെയ്യുക, സർഗ്ഗാത്മകതയ്ക്കുള്ള ഒരു പ്രാദേശിക കേന്ദ്രമെന്ന നിലയിൽ രാജ്യത്തിന്റെ സ്ഥാനം ശക്തിപ്പെടുത്തുക എന്നിവയാണ് ഇത്തരം പരിപാടികളിലൂടെ വിസിറ്റ് ഖത്തർ ലക്ഷ്യമിടുന്നത്.
