ദോഹ: റമദാൻ മാസത്തിൽ ഖത്തറിലെ റീട്ടെയ്ൽ വില്പനകളിൽ കുതിപ്പ്. പ്രത്യേകിച്ച് സന്ധ്യക്ക് ശേഷം ഖത്തർ മാർക്കറ്റിൽ ഉപഭോക്താക്കളുടെ അഭൂതപൂര്വമായ തിരക്കാണ് അനുഭവപ്പെടുന്നത്. ഈയടുത്ത ദിവസങ്ങളിൽ തിരക്കേറിയ നഗരങ്ങളിലൊന്നായി ദോഹ വീണ്ടും മാറിയിട്ടുണ്ട്.
ഈ വർഷത്തെ റമദാനിൽ വിൽപ്പനയിൽ അഭൂതപൂർവമായ വളർച്ചയാണ് തങ്ങൾ കണ്ടത്. ഇത് രാജ്യത്ത് പ്രവാസികളുടെ എണ്ണം വര്ധിക്കുന്നതിനാൽ ആയിരിക്കാമെമെന്ന് ഓൾഡ് എയർപോർട്ടിലെ പാപ്പാ ജോൺസ് പിസയിലെ സെയിൽസ് ഉദ്യോഗസ്ഥനായ ബാദ് ദഹാദൂർ ശ്രേഷ്ഡ് പറഞ്ഞു.
ഉപഭോക്തൃ, ഉപഭോക്തൃ ഇതര ഉൽപ്പന്നങ്ങളുടെ വിൽപ്പന വിശുദ്ധ മാസത്തിൽ കുത്തനെ ഉയർന്നതായി സമീപകാല റിപ്പോർട്ടുകൾ കാണിക്കുന്നു. പ്രവചനമനുസരിച്ച് റമദാനിൽ സ്വർണവില 50 ശതമാനത്തിലധികം ഉയരുമെന്ന് പറയപ്പെടുന്നു.
മാസത്തിൽ ഷോപ്പർമാരെ ആകർഷിക്കുന്നതിനുള്ള മത്സരവും പ്രത്യേക പ്രമോഷണൽ ഓഫറുകളും വിൽപ്പന അളവ് വർദ്ധിപ്പിക്കാൻ സഹായിക്കുന്നു. ഇത് ക്രമേണ സമ്പദ്‌വ്യവസ്ഥയ്ക്ക് നേട്ടങ്ങൾ ഉണ്ടാക്കുകയും കൂടുതൽ ജീവനക്കാരെ നിയമിക്കുന്നതിന് കമ്പനികളെ പ്രോത്സാഹിപ്പിക്കുകയും ചെയ്യുന്നു.
സീസണിൽ നേട്ടമുണ്ടാക്കുന്ന മേഖല ഭക്ഷണപാനീയങ്ങൾ മാത്രമല്ല, വികാരമൂല്യമുള്ള സമ്മാനങ്ങളും സുവനീർ ഇനങ്ങളും സ്വർണവും കൂടിയാണ്. വിൽപ്പന ഉയർന്നുവരുന്നതായും വരും ദിവസങ്ങളിൽ ഇത് മികച്ചതായിരിക്കുമെന്നും സൂഖ് വാഖിഫിലെ സ്വർണ്ണ ഡീലർമാർ പറയുന്നു.
🇶🇦 ഖത്തറിലെ വാർത്തകളും വിവരങ്ങളും തത്സമയം ലഭിക്കാൻ -വാട്ട്സ്ആപ്പ് ഗ്രൂപ്പ്👇https://chat.whatsapp.com/K6aHB4QcILIA2uoZieRCwp
