സബാഹ് അൽ അഹമ്മദ് കൊറിഡോറിൽ ഹമദ് ഇന്റർനാഷണൽ എയർപോർട്ടിന്റെ ദിശയിലുള്ള ഉമ്മു ലെഖ്ബ ഇന്റർചേഞ്ച് അണ്ടർപാസിൽ നിന്ന് താനി ബിൻ ജാസിം ഇന്റർചേഞ്ച് അണ്ടർപാസിലേക്കുള്ള ഗതാഗതം നാളെ ഒമ്പത് മണിക്കൂർ അടച്ചിടുമെന്നു പൊതുമരാമത്ത് അതോറിറ്റി, അഷ്ഗാൽ പ്രഖ്യാപിച്ചു.
സർവീസ് റോഡുകളിലും താനി ബിൻ ജാസിം ഇന്റർചേഞ്ച് സിഗ്‌നലുകളിലും ഗതാഗതം തുറന്നിരിക്കും. അൽ ഷമാലിൽ നിന്ന് ഹമദ് അന്താരാഷ്ട്ര വിമാനത്താവളത്തിലേക്കുള്ള ഉം ലേഖ്ബ ഇന്റർചേഞ്ചിലെ മേൽപ്പാലവും താൽക്കാലികമായി അടച്ചിടും.
സെപ്റ്റംബർ 15 വെള്ളിയാഴ്ച പുലർച്ചെ 1 മണി മുതൽ രാവിലെ 10 മണി വരെയാണ് അടച്ചിടൽ.
അൽ ഷമാലിൽ നിന്നോ അൽ മർഖിയയിൽ നിന്നോ പോകുന്ന യാത്രക്കാർ ദുഹൈൽ ഇന്റർചേഞ്ച് ഉപയോഗിച്ച് സബാഹ് അൽ അഹമ്മദ് കൊറിഡോറിലൂടെ ലക്ഷ്യസ്ഥാനത്ത് എത്താൻ വകുപ്പ് നിർദ്ദേശിച്ചു.
അതേസമയം, ദോഹയിൽ നിന്ന് സബാഹ് അൽ അഹമ്മദ് ഇടനാഴിയിലേക്ക് പോകുന്നവർ തങ്ങളുടെ ലക്ഷ്യസ്ഥാനങ്ങളിലെത്താൻ സബാഹ് അൽ അഹമ്മദ് ഇടനാഴിയിലെ സർവീസ് റോഡുകൾ ഉപയോഗിച്ച് പതിവുപോലെ ഉമ്മുലേഖ്ബ ഇന്റർചേഞ്ച് ഉപയോഗിക്കണമെന്ന് നിർദ്ദേശിച്ചു.
🇶🇦 ഖത്തറിലെ വാർത്തകളും വിവരങ്ങളും തത്സമയം ലഭിക്കാൻ -വാട്ട്സ്ആപ്പ് ഗ്രൂപ്പ്👇https://chat.whatsapp.com/GL0brn15zegKjFFe4TTxoX
