എക്‌സ്‌പോ 2023 ദോഹയുമായി സഹകരിച്ച് 800-ലധികം ജീവനക്കാർക്കും സന്നദ്ധപ്രവർത്തകർക്കും ഖത്തർ ടൂറിസം പരിശീലനം നൽകി. ഖത്തർ ടൂറിസം അതിന്റെ “സർവീസ് എക്സലൻസ് അക്കാദമി”യുടെ ഭാഗമായ രണ്ട് വ്യത്യസ്ത പരിശീലന പരിപാടികളുടെയാണ് ട്രയിനിംഗുകൾ നൽകി വരുന്നത്.
വ്യക്തിഗത പരിശീലന പരിപാടിയിലൂടെ ഖത്തർ ടൂറിസം 210 എക്‌സ്‌പോ ദോഹ ജീവനക്കാർക്ക് ക്ലാസ് മുറികളിൽ പരിശീലനം നൽകിയിട്ടുണ്ട്. എക്‌സ്‌പോ സന്ദർശകർക്ക് അസാധാരണമായ സേവനം നൽകുന്നതിലേക്ക് സേവകരുടെ കഴിവുകളും മാനസികാവസ്ഥയും ഉയർത്തുന്നതിനായി ഒരു പ്രത്യേക കോഴ്‌സ് രൂപകൽപ്പന ചെയ്‌തു. കോഴ്‌സ്, പ്രായോഗികമായ, ഹാൻഡ്-ഓൺ ആക്റ്റിവിറ്റികൾക്കും റോൾ-പ്ലേയിംഗുകൾക്കും ഊന്നൽ നൽകുന്നു. വളണ്ടിയർമാരുടെ സേവന-അധിഷ്‌ഠിത സമീപനം, ആശയവിനിമയ കഴിവുകൾ, പ്രശ്‌നപരിഹാര വൈദഗ്ധ്യം എന്നിവ ഇത് പ്രോത്സാഹിപ്പിക്കുന്നു.
എക്‌സ്‌പോ 2023 ദോഹ ജീവനക്കാർക്കും വോളന്റിയർമാർക്കുമായി ഇഷ്‌ടാനുസൃത രജിസ്‌ട്രേഷനും റിപ്പോർട്ടിംഗ് സവിശേഷതകളും ഉള്ള ഒരു മറ്റൊരു കോഴ്‌സ് കൂടി വികസിപ്പിച്ചെടുത്തിട്ടുണ്ട്. ക്യുടിയുടെ സർവീസ് എക്സലൻസ് അക്കാദമി, ഇവന്റ് അവസാനിക്കുന്നത് വരെ വളണ്ടിയർമാർക്ക് പരിശീലനം നൽകി വരുന്നത് തുടരും.
🇶🇦 ഖത്തറിലെ വാർത്തകളും വിവരങ്ങളും തത്സമയം ലഭിക്കാൻ -വാട്ട്സ്ആപ്പ് ഗ്രൂപ്പ്👇https://chat.whatsapp.com/KymOKj4Bi1pF8sPsKUwSuv
