2025-ന്റെ ആദ്യ പകുതിയിൽ ഖത്തറിന്റെ ടൂറിസം മേഖല ശക്തമായ വളർച്ച കാണിക്കുന്നു. ഈ വർഷം ജനുവരി മുതൽ ജൂൺ വരെ 2.6 ദശലക്ഷത്തിലധികം സന്ദർശകരെ ഖത്തർ സ്വാഗതം ചെയ്‌തു. കഴിഞ്ഞ വർഷത്തെ ഇതേ കാലയളവിനെ അപേക്ഷിച്ച് ഇത് 3% വർദ്ധനവാണ്.
പ്രധാനമായും ജിസിസി രാജ്യങ്ങളിൽ നിന്നും (36%), യൂറോപ്പ് (26%), ഏഷ്യ, ഓഷ്യാനിയ (22%), അമേരിക്കയിൽ നിന്നും മറ്റ് അറബ് രാജ്യങ്ങളിൽ നിന്നും (7%) വീതം എന്നിങ്ങനെയാണ് സന്ദർശകരാണ് എത്തിയത്. മിക്ക സന്ദർശകരും വിമാനമാർഗ്ഗമാണ് എത്തിയത് (57%), രണ്ടാമത് കരമാർഗ്ഗമാണ് (33%), കടൽമാർഗം 9% സന്ദർശകരും എത്തി.
ഹോട്ടലുകളും മികച്ച പ്രകടനം നടത്തി, ശരാശരി ഒക്യുപൻസി നിരക്ക് 71% ആയി, ഇത് കഴിഞ്ഞ വർഷത്തേക്കാൾ രണ്ട് ശതമാനം കൂടുതലാണ്. 5.23 ദശലക്ഷത്തിലധികം ഹോട്ടൽ നൈറ്റ്സ് ബുക്ക് ചെയ്യപ്പെട്ടു, 7% വർദ്ധനവ് ഇക്കാര്യത്തിൽ രേഖപ്പെടുത്തി.
2024-ൽ ഖത്തറിന്റെ ജിഡിപിയിലേക്ക് ടൂറിസം 55 ബില്യൺ റിയാലിന്റെ സംഭാവന നൽകി, ഇത് മൊത്തം സമ്പദ്‌വ്യവസ്ഥയുടെ ഏകദേശം 8% ആണ്. ഇത് 2023-നെ അപേക്ഷിച്ച് 14% കൂടുതലാണ്. 2030-ഓടെ ഈ വിഹിതം 10–12% ആയി ഉയർത്തുക എന്നതാണ് പ്രധാന ലക്ഷ്യം.
2025-ന്റെ ആദ്യ പകുതിയിൽ, വിസിറ്റ് ഖത്തർ “മൊമെന്റ്സ് മെയ്‌ഡ്‌ ഫോർ യു” എന്ന വേനൽക്കാല കാമ്പെയ്‌നും ഡേവിഡ് ബെക്കാമിനൊപ്പം ഒരു പ്രൊമോഷണൽ സിനിമയും ഉൾപ്പെടെ നിരവധി വിപണികളിൽ മീഡിയ കാമ്പെയ്‌നുകൾ ആരംഭിച്ചു. യുകെ, യുഎസ്എ, ദക്ഷിണാഫ്രിക്ക, ചൈന, ഓസ്‌ട്രേലിയ തുടങ്ങിയ രാജ്യങ്ങളെയെല്ലാം സ്റ്റോപ്പ് ഓവർ കാമ്പെയ്‌നുകൾ ലക്ഷ്യമിട്ടു.
ഖത്തർ ടോയ് ഫെസ്റ്റിവൽ, ദോഹ ജ്വല്ലറി ആൻഡ് വാച്ചസ് എക്സിബിഷൻ, ഷോപ്പ് ഖത്തർ, ഖത്തർ ഇന്റർനാഷണൽ ഫുഡ് ഫെസ്റ്റിവൽ, തിമിംഗല സ്രാവ് ടൂറുകൾ എന്നിവ പ്രധാന പരിപാടികളിൽ ഉൾപ്പെടുന്നു.
കഴിഞ്ഞ സീസണിലെ 87 ക്രൂയിസ് കപ്പലുകളെയും 360,000 സന്ദർശകരെയും ക്രൂയിസ് സീസണിലൂടെ സ്വീകരിച്ചു. വർഷത്തിന്റെ രണ്ടാം പകുതിയിൽ വരാനിരിക്കുന്ന ഇവന്റുകളിൽ T100 ട്രയാത്ത്‌ലോൺ വേൾഡ് ചാമ്പ്യൻഷിപ്പ് ഫൈനലുകൾ, ഫിഫ അറബ് കപ്പ്, F1 ഖത്തർ ഗ്രാൻഡ് പ്രിക്‌സ്, ഖത്തർ ടൂറിസം അവാർഡുകൾ, മിഷേലിൻ ഗൈഡ് ദോഹ 2026-ന്റെ അനാച്ഛാദനം എന്നിവ ഉൾപ്പെടുന്നു.
ഖത്തറിലെ വാർത്തകളും വിവരങ്ങളും തത്സമയം ലഭിക്കാൻ -വാട്ട്സ്ആപ്പ് ഗ്രൂപ്പ് 👇https://chat.whatsapp.com/JJuKuHKpVnF2oI3YhApCdt?mode=r_t
