ലബനനിലെ ഗതാഗത പ്രതിസന്ധി പരിഹരിക്കുന്നതിനായി ഫിഫ ലോകകപ്പിൽ ആരാധകരെ എത്തിക്കാൻ ഉപയോഗിച്ച ബസുകൾ ഖത്തർ ലെബനനിലേക്ക് സംഭാവന ചെയ്യാൻ ഒരുങ്ങുന്നു.
ഖത്തർ സന്ദർശന വേളയിൽ ഖത്തർ ഉദ്യോഗസ്ഥരോട് പ്രധാനമന്ത്രി നജീബ് മിക്കാറ്റി, ഖത്തർ ലോകകപ്പ് സമയത്ത് യാത്രക്കാരെ ലെബനനിലേക്ക് കൊണ്ടുപോകാനായി ഉപയോഗിച്ചിരുന്ന ബസുകളുടെ ഒരു ഭാഗം അനുവദിക്കണമെന്ന് ആവശ്യപ്പെട്ടിരുന്നതായി ലെബനീസ് കെയർടേക്കർ ഗവൺമെന്റിലെ വർക്ക്സ് മന്ത്രി അലി ഹമിയെ, വാർത്താ വെബ്‌സൈറ്റായ അൽ-ജദീദിന് നൽകിയ പ്രസ്താവനയിൽ പറഞ്ഞു.
മികതിയുടെ അഭ്യർത്ഥനയോട് ഖത്തറിന്റെ പ്രതികരണം പോസിറ്റീവാണെന്ന് മന്ത്രി ഹമിയ കൂട്ടിച്ചേർത്തു.
ലെബനൻ നേരിടുന്ന പ്രതിസന്ധികളുടെയും പൊതുഗതാഗത സൗകര്യങ്ങൾ വർധിപ്പിക്കേണ്ടതിന്റെ അടിയന്തര ആവശ്യകതയുടെയും പശ്ചാത്തലത്തിലാണ് ഈ അഭ്യർത്ഥന.
വിവിധ രാജ്യങ്ങളിലേക്കുള്ള സംഭാവനകളിൽ മുഴുവൻ ഫുട്ബോൾ സ്റ്റേഡിയങ്ങളും ആയിരക്കണക്കിന് സ്റ്റേഡിയം സീറ്റുകളും നിലവിൽ ബസുകളും ഉൾപ്പെടുന്നു. ലെബനന് ബെയ്‌റൂട്ട് സ്പോർട്സ് സിറ്റിയിലേക്ക് സീറ്റുകൾ സംഭാവന ചെയ്യാനും ഖത്തർ സന്നദ്ധത അറിയിച്ചിരുന്നു. എന്നാൽ അവർ ബസ്സുകൾ ആവശ്യപ്പെടുകയായിരുന്നു. ടൂർണമെന്റിനിടെ ആരാധകരെ സൗജന്യമായി എത്തിക്കാൻ ഉപയോഗിച്ചിരുന്ന 1,000 ബസുകൾക്ക് പുറമേ, ഖത്തർ 3,000 ബസുകൾ പുതുതായി വാങ്ങിയിരുന്നു.
🇶🇦 ഖത്തറിലെ വാർത്തകളും വിവരങ്ങളും തത്സമയം ലഭിക്കാൻ -വാട്ട്സ്ആപ്പ് ഗ്രൂപ്പ്👇https://chat.whatsapp.com/C5SlZkH4ATOIBY0CThW5zB
