ഖത്തർ പബ്ലിക് സ്കൂളുകളിലേക്കുള്ള രജിസ്ട്രേഷൻ ഞായറാഴ്ച മുതൽ; എല്ലാ രാജ്യക്കാർക്കും മെയ് 15 മുതൽ
ദോഹ: 2022-23 അടുത്ത അധ്യയന വർഷത്തെ സർക്കാർ സ്കൂളുകളിലേക്കുള്ള ഇലക്ട്രോണിക് രജിസ്‌ട്രേഷനും ട്രാൻസഫറും 2022 ഏപ്രിൽ 24 ഞായറാഴ്ച ആരംഭിച്ച് ജൂൺ 9 വ്യാഴാഴ്ച വരെ മന്ത്രാലയത്തിന്റെ പൊതു സേവന പോർട്ടലിൽ നടക്കുമെന്ന് വിദ്യാഭ്യാസ ഉന്നത വിദ്യാഭ്യാസ മന്ത്രാലയം അറിയിച്ചു.
രജിസ്ട്രേഷൻ പ്രക്രിയയ്ക്ക് രണ്ട് ഘട്ടങ്ങളുണ്ട്; ആദ്യത്തേത് 2022 ഏപ്രിൽ 24 മുതൽ ജൂൺ 9 വരെ ഖത്തറികൾക്കും ഖത്തറി സ്ത്രീകൾക്കും ജിസിസി രാജ്യങ്ങളിലെ പൗരന്മാർക്കുമായി മാത്രമാണ്. രണ്ടാം ഘട്ടം 2022 മെയ് 15 മുതൽ മെയ് 26 വരെ എല്ലാ രാജ്യക്കാർക്കുമായി ലഭ്യമാകും.
സർക്കാർ മന്ത്രാലയങ്ങൾ, സർക്കാർ ഏജൻസികൾ, അധികാരികൾ, പൊതു സ്ഥാപനങ്ങൾ എന്നിവയിൽ ജോലി ചെയ്യുന്ന ഖത്തരി ഇതര പൗരന്മാരുടെയും സ്വകാര്യ ചാരിറ്റബിൾ അസോസിയേഷനുകളിലും സ്ഥാപനങ്ങളിലും ജോലി ചെയ്യുന്ന ഖത്തറികളല്ലാത്തവരുടെ കുട്ടികൾക്കുമുള്ള രജിസ്‌ട്രേഷനാണ് മെയ് 15 മുതൽ ആരംഭിക്കുക.
രജിസ്‌ട്രേഷനായി വെബ്‌സൈറ്റ്: https://eduservices.edu.gov.qa
