വരാനിരിക്കുന്ന ഹജ്ജ് സീസണിലേക്ക് പൗരന്മാർക്കും താമസക്കാർക്കുമുള്ള രജിസ്ട്രേഷൻ, 2023 സെപ്റ്റംബർ 20 ബുധനാഴ്ച രാവിലെ 8 മണിക്ക് ആരംഭിക്കുമെന്ന് എൻഡോവ്‌മെന്റ് (ഔഖാഫ്) ഇസ്‌ലാമിക കാര്യ മന്ത്രാലയം ഇന്ന് വാർത്താ സമ്മേളനത്തിൽ അറിയിച്ചു.
hajj.gov.qa വെബ്‌സൈറ്റ് വഴി രജിസ്ട്രേഷൻ നടക്കും. രജിസ്ട്രേഷൻ കാലയളവ് ഒരു മാസം മുഴുവൻ നീണ്ടുനിൽക്കും2023 ഒക്ടോബർ 20-ന് അവസാനിക്കും. ശേഷം നവംബറിൽ ഇലക്ട്രോണിക് സോർട്ടിംഗും അംഗീകാര പ്രക്രിയകളും ആരംഭിക്കും.
സൗദി അധികാരികൾ അനുവദിച്ച ഹജ്ജ് ക്വാട്ട 4,400 തീർഥാടകരാണെന്നും ഖത്തറിയോ താമസക്കാരനോ ആകട്ടെ എല്ലാവർക്കും രജിസ്ട്രേഷൻ തുറന്നിട്ടുണ്ടെന്ന് ഉദ്യോഗസ്ഥർ പറഞ്ഞു.
താമസക്കാർ കുറഞ്ഞത് 40 വയസ്സ് പ്രായമുള്ളവരായിരിക്കണം കൂടാതെ 10 വർഷത്തിൽ കുറയാത്ത കാലയളവിൽ രാജ്യത്ത് ഒരു റെസിഡൻസി നിലനിർത്തിയിരിക്കണം. കൂടെ ഒരാളെ മാത്രം ചേർക്കാൻ അനുവാദമുണ്ട്.
ഖത്തറികളെ സംബന്ധിച്ചിടത്തോളം, പൗരന് കുറഞ്ഞത് 16 വയസ്സ് പ്രായമുണ്ടായിരിക്കണം, കൂടെ അഞ്ച് പേരെ ചേർക്കാൻ അനുവാദമുണ്ട്.
അതേസമയം, ഗൾഫ് പൗരന് 18 വയസ്സ് ആണ് പ്രായ നിബന്ധന. കൂടെ ഒരു ഒരാളെ മാത്രം ഉൾപ്പെടുത്താനുള്ള ഓപ്ഷനുണ്ട്. കൂടാതെ, അവർക്ക് ഒരു ഖത്തറി ഐഡി നമ്പർ ഉണ്ടായിരിക്കണം.
🇶🇦 ഖത്തറിലെ വാർത്തകളും വിവരങ്ങളും തത്സമയം ലഭിക്കാൻ -വാട്ട്സ്ആപ്പ് ഗ്രൂപ്പ്👇https://chat.whatsapp.com/KymOKj4Bi1pF8sPsKUwSuv
