മുനിസിപ്പാലിറ്റി മന്ത്രാലയവും (MoM) ഹസാദ് ഫുഡ് കമ്പനിയും ഈത്തപ്പഴത്തിനും റമദാൻ ഉല്പന്നങ്ങൾക്കുമായി ഒരു പ്രദർശനം സംഘടിപ്പിക്കുന്നു. ഉമ്മുസലാൽ വിൻ്റർ ഫെസ്റ്റിവലിൻ്റെ അവസാനം ഫെബ്രുവരി 25 മുതൽ മാർച്ച് 1 വരെ ഉം സലാൽ സെൻട്രൽ മാർക്കറ്റിൽ ഇത് നടക്കും.
വിശുദ്ധ റമദാൻ മാസത്തിനായി തയ്യാറെടുക്കുന്ന ഉപഭോക്താക്കളുടെ ആവശ്യങ്ങൾ നിറവേറ്റുന്നതിനായി നിരവധി തരം ഈത്തപ്പഴങ്ങൾ പ്രദർശനത്തിൽ നൽകും. ഈന്തപ്പഴത്തിൽ പ്രത്യേക ശ്രദ്ധ കേന്ദ്രീകരിക്കുന്നുണ്ടെങ്കിലും സുഗന്ധദ്രവ്യങ്ങളും റമദാൻ ടേബിൾ ഇനങ്ങളും പോലുള്ള മറ്റ് ഉൽപ്പന്നങ്ങളും ഇതിൽ അവതരിപ്പിക്കും.
ഫെസ്റ്റിവലിൽ നിരവധി പരിപാടികൾ ഉണ്ടാകുമെന്ന് മന്ത്രാലയത്തിലെ കൃഷികാര്യ വകുപ്പ് ഡയറക്ടർ യൂസഫ് ഖാലിദ് അൽ ഖുലൈഫി പറഞ്ഞു. ഈ പ്രവർത്തനങ്ങൾ പ്രാദേശിക കാർഷിക ഉൽപന്നങ്ങൾ പ്രോത്സാഹിപ്പിക്കുന്നതിനും ഉപഭോക്താക്കൾക്ക് വിലക്കുറവിൽ വാങ്ങുന്നതിനും സഹായിക്കും.
ഖത്തറിൻ്റെ ഭക്ഷ്യ പൈതൃകത്തിൻ്റെ പ്രധാന ഭാഗമായ ദേശീയ ഉൽപന്നങ്ങളെ, പ്രത്യേകിച്ച് ഈത്തപ്പഴങ്ങളെ, എക്‌സിബിഷൻ പിന്തുണയ്ക്കുമെന്ന് അസ്വാഖ് ഫോർ ഫുഡ് ഫെസിലിറ്റീസ് മാനേജ്‌മെൻ്റ് കമ്പനിയുടെ ജനറൽ മാനേജർ മുഹമ്മദ് ഗാനെം അൽ കുബൈസി പറഞ്ഞു.
ആദ്യത്തെ ഉമ്മുസലാൽ വിൻ്റർ ഫെസ്റ്റിവലിൽ പ്രാദേശിക ഉൽപ്പന്നങ്ങളെ പിന്തുണയ്ക്കുന്നതിനായി ആറ് പ്രത്യേക പ്രദർശനങ്ങൾ ഉൾപ്പെടുത്തിയിട്ടുണ്ട്.
ഖത്തറിലെ വാർത്തകളും വിവരങ്ങളും തത്സമയം ലഭിക്കാൻ -വാട്ട്സ്ആപ്പ് ഗ്രൂപ്പ് 👇https://chat.whatsapp.com/KIN30zTLtBDKISiedAzBHx
