ലോകമെമ്പാടുമുള്ള ആയിരക്കണക്കിന് സന്ദർശകരെയും, വിഐപി അതിഥികളെയും, സമുദ്രപ്രേമികളെയും സ്വാഗതം ചെയ്തുകൊണ്ട്, ഖത്തർ ബോട്ട് ഷോ 2025, ആദ്യ ദിവസം തന്നെ ശ്രദ്ധേയമായി.
ദോഹയുടെ പ്രശസ്തമായ കടൽത്തീരത്ത് നാല് ദിവസങ്ങളിലായി നടക്കുന്ന ലോകോത്തര പ്രദർശനങ്ങൾ, സമുദ്രമേഖലയിൽ ഖത്തറിന്റെ വളർന്നുവരുന്ന മികവിനെ ഉയർത്തിക്കാട്ടുന്നു.
ഖത്തർ ബോട്ട് ഷോയുടെ രണ്ടാം പതിപ്പ് ഇതിനകം റെക്കോർഡ് പങ്കാളിത്തത്തിലേക്ക് കടന്നു. 505 ആഗോള, പ്രാദേശിക ബ്രാൻഡുകൾ, 85 പ്രദർശകർ, പങ്കെടുക്കുന്ന 25 രാജ്യങ്ങളെ പ്രതിനിധീകരിക്കുന്ന 65 ലധികം യാച്ചുകൾ എന്നിവ ഇതിൽ ഉൾപ്പെടുന്നു. ഉദ്ഘാടന പതിപ്പിനെ അപേക്ഷിച്ച് പ്രദർശനത്തിൽ 25 ശതമാനം പങ്കാളിത്ത വർധനവ് രേഖപ്പെടുത്തി. ഇത് മേഖലയിലെ ഏറ്റവും വേഗത്തിൽ വളരുന്ന സമുദ്ര പ്രദർശനമായി ഖത്തർ ബോട്ട് ഷോയെ മാറ്റി.
പ്രാദേശിക ഖത്തരി കമ്പനികളിൽ നിന്ന് മാത്രം 50 ശതമാനത്തിലധികം പ്രദർശകരുള്ള ഈ ഷോ, സമുദ്ര നിർമ്മാണത്തിലും നവീകരണത്തിലും ഖത്തറിന്റെ വളരുന്ന കഴിവുകളെ എടുത്തുകാണിക്കുന്നു.
യാച്ചിംഗിനും ആഡംബര ടൂറിസത്തിനുമുള്ള വളർന്നുവരുന്ന കേന്ദ്രമെന്ന നിലയിൽ രാജ്യത്തിന്റെ സ്ഥാനം ശക്തിപ്പെടുത്തുന്നു. മാത്രമല്ല, പ്രദർശിപ്പിച്ചിരിക്കുന്ന ബോട്ടുകളുടെ 55% വും 2025 മോഡലുകളാണ്, പുതിയ റിലീസുകളിലും സാങ്കേതിക പുരോഗതിയിലും ഷോ ശ്രദ്ധ കേന്ദ്രീകരിക്കുന്നുവെന്ന് ഇത് അടിവരയിടുന്നു.
