ലോകത്തിലെ ഏറ്റവും വലിയ പ്രകൃതി വാതക ഫീൽഡായ നോർത്ത് ഫീൽഡിൽ നിന്നുള്ള ഉൽപ്പാദനം വർധിപ്പിക്കാനുള്ള പുതിയ പദ്ധതികൾ ഖത്തർ ഞായറാഴ്ച പ്രഖ്യാപിച്ചു. ഇത് 2030 ന് മുമ്പ് പ്രതിവർഷം 142 ദശലക്ഷം ടണ്ണായി (mtpa) ശേഷി വർദ്ധിപ്പിക്കുമെന്ന് ഖത്തർ ഊർജ മന്ത്രി സാദ് ഷെരീദ അൽ-കാബി വാർത്താ സമ്മേളനത്തിൽ പറഞ്ഞു.
നോർത്ത് ഫീൽഡ് വെസ്റ്റ് എന്ന് പേരിട്ടിരിക്കുന്ന പുതിയ നോർത്ത് ഫീൽഡ് വിപുലീകരണം, നിലവിലുള്ള വിപുലീകരണ പദ്ധതികളിലേക്ക് പ്രതിവർഷം 16 ദശലക്ഷം ടൺ ദ്രവീകൃത പ്രകൃതി വാതകം (എൽഎൻജി) ചേർക്കുമെന്ന് കണക്കാക്കുന്നു.
“അടുത്തിടെയുള്ള പഠനങ്ങൾ കാണിക്കുന്നത് നോർത്ത് ഫീൽഡിൽ 240 ട്രില്യൺ ക്യുബിക് അടിയായി കണക്കാക്കിയിരിക്കുന്ന വലിയ അധിക വാതകം അടങ്ങിയിട്ടുണ്ട്, ഇത് ഖത്തറിൻ്റെ വാതക ശേഖരം 1,760 ൽ നിന്ന് 2,000 ട്രില്യൺ ക്യുബിക് അടിയിലേക്ക് ഉയർത്തുന്നു,” അൽ-കഅബി വ്യക്തമാക്കി.
🇶🇦 ഖത്തറിലെ വാർത്തകളും വിവരങ്ങളും തത്സമയം ലഭിക്കാൻ -വാട്ട്സ്ആപ്പ് ഗ്രൂപ്പ്👇https://chat.whatsapp.com/LjkReT1nBRMHQM9PxaMBOD
