ലോകത്തിലെ ഏറ്റവും മികച്ച എയർലൈനുകളിൽ ഒന്നായ ഖത്തർ എയർവേയ്‌സ് ആഗോളതലത്തിൽ ഏറ്റവും ഏറ്റവും കൃത്യനിഷ്‌ഠയുള്ള മൂന്നാമത്തെ എയർലൈനായി റാങ്ക് ചെയ്‌തു. എയർലൈൻ സമയബന്ധിതമായി എത്തിച്ചേരുന്ന നിരക്ക് 85.11 ശതമാനവും, സമയബന്ധിതമായി പുറപ്പെടുന്ന നിരക്ക് 84.07 ശതമാനവും ആണ്. ഈ കണക്കുകൾ കൃത്യനിഷ്‌ഠതയുള്ള സേവനത്തെ കാണിക്കുന്നു, ഷെഡ്യൂൾ ചെയ്‌ത സമയത്തിൻ്റെ 15 മിനിറ്റിനുള്ളിൽ എത്തിച്ചേരുകയോ പുറപ്പെടുകയോ ചെയ്യുന്നതായി നിർവചിച്ചിരിക്കുന്നു.
ഖത്തർ എയർവേയ്‌സിൻ്റെ പ്രധാന കേന്ദ്രമായ ഹമദ് ഇൻ്റർനാഷണൽ എയർപോർട്ടും അതിൻ്റെ സമയനിഷ്‌ഠക്ക് അംഗീകാരം നേടി, 82.04 ശതമാനം നിരക്കിൽ കൃത്യസമയത്ത് പുറപ്പെടുന്നതിനുള്ള മികച്ച 10 ആഗോള വിമാനത്താവളങ്ങളിൽ ഒന്നായി ഹമദ് എയർപോർട്ട് മാറി. പുറപ്പെടലുകൾ നിയന്ത്രിക്കുന്നതിലും എയർലൈനിൻ്റെ മൊത്തത്തിലുള്ള പ്രകടനത്തിന് സംഭാവന നൽകുന്നതിലും വിമാനത്താവളത്തിൻ്റെ പങ്കും കാര്യക്ഷമതയും ഇത് എടുത്തുകാണിക്കുന്നു.
2023/24 സാമ്പത്തിക വർഷത്തിലുടനീളം, ഖത്തർ എയർവേയ്‌സ് 40 ദശലക്ഷത്തിലധികം യാത്രക്കാരെ എത്തിക്കുകയും 170 ലക്ഷ്യസ്ഥാനങ്ങളിലേക്ക് 194,000-ലധികം വിമാനസർവീസ് നടത്തുകയും ചെയ്‌തു. എയർലൈനിൻ്റെ ഫ്ലൈറ്റ് ഓപ്പറേഷൻസ് ഡിവിഷൻ, അതിൻ്റെ പ്രവർത്തനങ്ങളിൽ നിർണായകവും ശ്രദ്ധേയവുമായ 86.4% ഓൺ-ടൈം അറൈവൽ റേറ്റും 85.7% ഓൺ-ടൈം ഡിപ്പാർച്ചർ നിരക്കും റിപ്പോർട്ട് ചെയ്‌തു
ശ്രദ്ധേയമായ പ്രകടനത്തിന് പുറമേ, തുർക്കി, ഇന്തോനേഷ്യ, സൗദി അറേബ്യ, ഫ്രാൻസ് എന്നിവിടങ്ങളിലേക്ക് പുതിയ റൂട്ടുകൾ ചേർത്തുകൊണ്ട് ഖത്തർ എയർവേസ് തങ്ങളുടെ ശൃംഖല വിപുലീകരിക്കുകയും ചെയ്‌തു. ഈ മെച്ചപ്പെടുത്തലുകൾ ഓപ്പറേഷനൽ ഡെലിവറിയിൽ 20% ത്തിലധികം വർദ്ധനവിന് കാരണമായി. ഇത് വളർച്ചയ്ക്കും കാര്യക്ഷമതയ്ക്കും വേണ്ടിയുള്ള എയർലൈനിൻ്റെ ശ്രദ്ധയെ കാണിച്ചു തരുന്നു.
