മെറ്റാവേഴ്‌സിൽ ഖത്തറിനെ പ്രമോട്ട് ചെയ്യുന്നതിനുള്ള കാമ്പെയ്‌നിന്റെ രണ്ടാം ഭാഗം ക്യു ലൈഫ് അടുത്തിടെ പൂർത്തിയാക്കി. 2024 നവംബർ 28 മുതൽ 2025 ഫെബ്രുവരി 28 വരെ എട്ട് ആഴ്ച്ച നീണ്ടുനിന്ന ഈ കാമ്പെയ്‌ൻ റോബ്‌ലോക്‌സിലാണ് ഹോസ്റ്റ് ചെയ്‌തത്. ഖത്തർ അഡ്വഞ്ചർ, സൂഖ് വാഖിഫ് എന്നീ രണ്ട് ഇന്ററാക്റ്റിവ് എക്‌സ്പീരിയൻസുകൾ ഇതിൽ ഉൾപ്പെടുന്നു. ലോകമെമ്പാടുമുള്ള ആളുകളിൽ നിന്ന് 15.9 മില്യൺ വിസിറ്റുകളാണ് ഇതിലേക്കുണ്ടായത്.
ഖത്തർ അഡ്വഞ്ചറിന്റെ പുതിയ എഡിഷൻ ആദ്യത്തേതിനേക്കാൾ വിജയകരമായിരുന്നു. 10.7 ദശലക്ഷം ഉപയോക്താക്കളിൽ നിന്ന് 12.9 ദശലക്ഷം വിസിറ്റുകൾ ഇതിന് ലഭിച്ചു. ഖത്തറിന്റെ ലാൻഡ്‌മാർക്കുകളായ ലുസൈൽ ഇന്റർനാഷണൽ സർക്യൂട്ട്, മെരിയാൽ വാട്ടർപാർക്ക്, കത്താറ ടവേഴ്‌സ്, ഹമദ് ഇന്റർനാഷണൽ എയർപോർട്ട് എന്നിവയുടെ വെർച്വൽ പതിപ്പുകൾ എക്‌സ്‌പ്ലോർ ചെയ്യാൻ കളിക്കാർ 2 മില്യൺ മണിക്കൂറിലധികം ചെലവഴിച്ചു – ആളുകൾ സന്ദർശിച്ച സ്ഥലങ്ങളായിരുന്നു അത്.
ലുസൈൽ സ്റ്റേഡിയത്തിലെ പെനാൽറ്റി ഷൂട്ടൗട്ടുകൾ, വിമാനത്താവളത്തിലെ ലഗേജ് ഗെയിം എന്നിങ്ങനെ കളിക്കാർ എക്സ്പീരിയൻസ് ചെയ്ത് 3.8 ദശലക്ഷത്തിലധികം മിനിഗെയിമുകൾ പൂർത്തിയാക്കി. കളിക്കാർ എത്രത്തോളം എൻഗേജ്‌ഡ്‌ ആയെന്നു കാണിക്കുന്ന ഇൻ-ഗെയിം കഥാപാത്രങ്ങളുമായി 7.7 ദശലക്ഷം ഇന്ററാക്ഷൻസും ഉണ്ടായിരുന്നു.
അതേസമയം, റോബ്‌ലോക്‌സിലെ ആദ്യത്തെ സ്ഥിരം മിഡിൽ ഈസ്റ്റേൺ ഷോപ്പായ സൂഖ് വാഖിഫ് വെർച്വൽ സ്റ്റോറിൽ 3 ദശലക്ഷത്തിലധികം സന്ദർശനങ്ങൾ നടന്നു. ഉപയോക്താക്കൾ 3.5 ദശലക്ഷം പരമ്പരാഗത അറബി വസ്ത്രങ്ങൾ ഡൗൺലോഡ് ചെയ്യുകയും ഖത്തറിന്റെ ദേശീയ വിഭവമായ മക്ബൂസ് 5.2 ദശലക്ഷം എണ്ണം കഴിക്കുകയും ചെയ്തു.
ഗെയിമിനുള്ളിൽ നടത്തിയ ഒരു സർവേയിൽ 92.7% കളിക്കാരും അടുത്ത വർഷം ഖത്തർ സന്ദർശിക്കുന്നത് പരിഗണിക്കുമെന്നും 80.1% പേർ സുഹൃത്തുക്കൾക്ക് ശുപാർശ ചെയ്യുമെന്നും കണ്ടെത്തി. ആളുകൾ ഖത്തറിനെ എങ്ങനെ കാണുന്നു എന്നതിൽ കാമ്പെയ്‌ൻ ശക്തമായ സ്വാധീനം ചെലുത്തിയെന്ന് ഇത് കാണിക്കുന്നു.
ഖത്തറിന്റെ ഇന്റർനാഷണൽ മീഡിയ ഓഫീസിന്റെ (IMO) സാംസ്കാരിക പ്ലാറ്റ്‌ഫോമായ ക്യു ലൈഫും ഗെയിം ഡെവലപ്പർ സെഞ്ച്വറി ഗെയിംസും തമ്മിലുള്ള പങ്കാളിത്തമായിരുന്നു ഈ പദ്ധതി. തങ്ങളുടെ സംസ്‌കാരം പങ്കിടുന്നതിനും ആഗോള താൽപ്പര്യം ആകർഷിക്കുന്നതിനും ഡിജിറ്റൽ ഉപകരണങ്ങൾ ഉപയോഗിക്കുന്നതിലും ഖത്തറിന്റെ മുന്നോട്ടുപോക്കിനെ ഈ കാമ്പെയ്‌ൻ കാണിക്കുന്നു.
ഖത്തറിലെ വാർത്തകളും വിവരങ്ങളും തത്സമയം ലഭിക്കാൻ -വാട്ട്സ്ആപ്പ് ഗ്രൂപ്പ് 👇https://chat.whatsapp.com/JlM3OXullDx42kdlpGxvJE
