ദോഹ: മൂന്ന് മാസത്തിലേറെയായി കണ്ടുകെട്ടിയ വാഹന ഉടമകൾക്ക് ആവശ്യമായ എല്ലാ നടപടിക്രമങ്ങളും പൂർത്തിയാക്കാനും പിഴയും ഗ്രൗണ്ട് ഫീസും അടച്ച് വാഹനങ്ങൾ ക്ലെയിം ചെയ്യാനും ട്രാഫിക് ഇൻവെസ്റ്റിഗേഷൻ വിഭാഗത്തെ സമീപിക്കാമെന്ന് ജനറൽ ഡയറക്ടറേറ്റ് ഓഫ് ട്രാഫിക് അറിയിച്ചു.
ഇതിനായി 30 ദിവസത്തെ സമയം അനുവദിച്ചിട്ടുണ്ട്. ഈ പ്രഖ്യാപനം 2022 ഓഗസ്റ്റ് 17 (ഇന്ന്) മുതൽ പ്രാബല്യത്തിൽ വന്നതായി ഡയറക്ടറേറ്റ് അറിയിച്ചു.
ട്രാഫിക് ഇൻവെസ്റ്റിഗേഷൻ വിഭാഗം ഇൻഡസ്ട്രിയൽ ഏരിയ സ്ട്രീറ്റ് നമ്പർ 52 ലാണ് സ്ഥിതി ചെയ്യുന്നത്.
പിടിച്ചെടുക്കപ്പെട്ട വാഹനങ്ങളുടെ ഉടമകൾ നിശ്ചിത കാലയളവിനുള്ളിൽ ഹാജരായില്ലെങ്കിൽ, ട്രാഫിക് റെക്കോർഡുകളിൽ നിന്ന് നിയമപരമായ കാലാവധി പൂർത്തിയാക്കിയ വാഹനങ്ങൾ ജനറൽ ഡയറക്ടറേറ്റ് ഓഫ് ട്രാഫിക് റദ്ദാക്കുകയും പൊതു ലേലത്തിൽ വിൽക്കാൻ പ്രദർശിപ്പിക്കുകയും ചെയ്യുമെന്ന് മന്ത്രാലയം മുന്നറിയിപ്പ് നൽകി.
