തിരക്കേറിയ ഇവന്റ് സീസണിൽ യാത്ര സുഗമമാക്കുന്നതിന്റെ ഭാഗമായി, ഹയ്യ ജിസിസി റസിഡന്റ്സ് വിസയിൽ (എ2) പുതിയ അപ്‌ഡേറ്റുകൾ പ്രഖ്യാപിച്ചു.
2025 നവംബർ 30 മുതൽ, ജിസിസി നിവാസികൾക്ക് (residents) ഹയ്യയിൽ ഈ മാറ്റങ്ങൾ ലഭ്യമാകും:
– രണ്ട് മാസം വരെ ഖത്തറിൽ തങ്ങാം
– പലതവണ രാജ്യത്ത് പ്രവേശിക്കുകയും പുറത്തുകടക്കുകയും ചെയ്യാം
2025 ഫിഫ അറബ് കപ്പ് ഉൾപ്പെടെയുള്ള പ്രധാന കായിക, സാംസ്കാരിക, വിനോദ പരിപാടികളിൽ പങ്കെടുക്കുന്നത് സന്ദർശകർക്ക് എളുപ്പമാക്കുക എന്നതാണ് മാറ്റങ്ങൾ ലക്ഷ്യമിടുന്നത്.
ഈ പുതിയ സവിശേഷതകൾ ഉപയോഗിച്ച്, ജിസിസി ആരാധകർക്ക് മത്സരങ്ങൾക്കായി സ്വതന്ത്രമായി യാത്ര ചെയ്യാനും ഖത്തറിന്റെ വിശാലമായ സാംസ്കാരിക, വിനോദ ലോകം ആസ്വദിക്കാനും കഴിയും.
സീസണിലുടനീളം ധാരാളം സന്ദർശകരെ സ്വാഗതം ചെയ്യുന്നതിനുള്ള ഖത്തറിന്റെ തയ്യാറെടുപ്പുകളെയും അപ്‌ഡേറ്റുകൾ സഹായിക്കുന്നു.
ഖത്തർ ടൂറിസത്തിന്റെ കാഴ്ചപ്പാടിന്റെ ഭാഗമായാണ് പുതിയ നടപടികൾ എന്ന് ഹയ്യ ഡയറക്ടർ സയീദ് അൽ കുവാരി പറഞ്ഞു. പ്രധാന പരിപാടികളിൽ സന്ദർശകരുടെ ഒഴുക്ക് വർദ്ധിപ്പിക്കുക, ദേശീയ സമ്പദ്‌വ്യവസ്ഥയിൽ ടൂറിസത്തിന്റെ പങ്ക് ശക്തിപ്പെടുത്തുക എന്നിവയാണ് പുതിയ നടപടിയുടെ നേട്ടങ്ങൾ.
ഖത്തർ ടൂറിസം നടത്തുന്ന ഹയ്യ പ്ലാറ്റ്‌ഫോം, ഖത്തറിന്റെ ഔദ്യോഗിക ഇ-വിസ സംവിധാനമായി തുടരുന്നു. ഏകീകൃത വിസ പ്രോസസ്സിംഗും ഇവന്റ് ആക്‌സസും ഒരു ഈസി പ്ലാറ്റ്‌ഫോമിൽ വാഗ്ദാനം ചെയ്യുന്നു.
