എഎഫ്സി ഏഷ്യൻ ടിക്കറ്റ് വിൽപ്പനക്കുള്ള പ്ലാറ്റ്‌ഫോമെന്ന വ്യാജേന നിർമിച്ച് ഉപഭോക്താക്കളെ കബളിപ്പിച്ചിരുന്ന വെബ്സൈറ്റുകൾ നാഷണൽ സൈബർ സെക്യൂരിറ്റി ഏജൻസി (NCSA) കണ്ടെത്തി. ഖത്തർ ഫുട്‌ബോൾ അസോസിയേഷന്റെ ഔദ്യോഗിക ടിക്കറ്റ് വിൽപന പ്ലാറ്റ്‌ഫോമായി ഫിഷിംഗ് ചെയ്ത വ്യാജ വെബ്‌സൈറ്റുകളിൽ നിന്ന് ടിക്കറ്റുകൾ വാങ്ങുന്നതിനെതിരെ ഏജൻസി പൊതുജനങ്ങൾക്ക് മുന്നറിയിപ്പ് നൽകി.
വിശ്വാസയോഗ്യമല്ലാത്ത വെബ്‌സൈറ്റുകളും അക്കൗണ്ടുകളും വഞ്ചനാപരമായ ഉദ്ദേശ്യങ്ങൾക്കായി സൃഷ്‌ടിച്ച് ഈ ടൂർണമെന്റിനുള്ള പൊതുജനങ്ങളുടെ ആവേശം കുറ്റവാളികൾ ചൂഷണം ചെയ്യുന്നതായി അധികൃതർ പറഞ്ഞു. പൊതുജനങ്ങൾക്ക് അവബോധം പകരുന്നതിനായി NCSA അത്തരം നിരവധി വെബ്‌സൈറ്റുകളും ഒരു സോഷ്യൽ മീഡിയ അക്കൗണ്ടുകളും വെളിപ്പെടുത്തിയിട്ടുണ്ട്.
വ്യക്തിഗത വിവരങ്ങളും ബാങ്കിംഗ് വിശദാംശങ്ങളും ഉൾപ്പെടെയുള്ള നിർണായക വിവരങ്ങൾ ഈ വെബ്സൈറ്റുകൾ വഴി തട്ടിപ്പിനിരയാകുമെന്ന് അധികൃതർ മുന്നറിയിപ്പ് നൽകി.
ഇതൊഴിവാക്കാൻ, എല്ലാ ഉപഭോക്താക്കളും ഔദ്യോഗിക പ്ലാറ്റ്‌ഫോമിൽ നിന്നും നിയുക്ത ടിക്കറ്റ് പുനർവിൽപ്പന വെബ്‌സൈറ്റിൽ നിന്നും മാത്രം ടിക്കറ്റ് വാങ്ങാൻ സംഘാടകർ നിർദ്ദേശിച്ചു.
അനധികൃത സെയിൽസ് ചാനലുകൾ വഴി വാങ്ങിയതോ വീണ്ടും വിൽക്കുന്നതോ ആയ ടിക്കറ്റുകൾ സാധുതയുള്ളതല്ല കൂടാതെ അറിയിപ്പ് കൂടാതെ എപ്പോൾ വേണമെങ്കിലും റദ്ദാക്കലിന് വിധേയവുമാണ്.
🇶🇦 ഖത്തറിലെ വാർത്തകളും വിവരങ്ങളും തത്സമയം ലഭിക്കാൻ -വാട്ട്സ്ആപ്പ് ഗ്രൂപ്പ്👇https://chat.whatsapp.com/LjkReT1nBRMHQM9PxaMBOD
