പാസഞ്ചർ ട്രാൻസ്‌പോർട്ട് സർവീസ് നടത്തുന്ന കമ്പനികളിൽ മന്ത്രാലയത്തിന്റെ പരിശോധന; നിരവധി നിയമലംഘനങ്ങൾ കണ്ടെത്തി
മുൻകൂട്ടി ഷെഡ്യൂൾ ചെയ്‌തു പാസഞ്ചർ ട്രാൻസ്‌പോർട്ട് സർവീസുകൾ വാഗ്ദാനം ചെയ്യുന്ന കമ്പനികൾക്ക് ആവശ്യമായ ലൈസൻസുകൾ ഉണ്ടെന്നും നിയമങ്ങളും ചട്ടങ്ങളും പാലിക്കുന്നുണ്ടെന്നും ഉറപ്പാക്കാൻ ഗതാഗത മന്ത്രാലയം (MoT), ആഭ്യന്തര മന്ത്രാലയവുമായി ചേർന്ന് പരിശോധനകൾ നടത്തി.
ഈ പരിശോധനകളിൽ, MoT-യിൽ നിന്ന് ആവശ്യമായ അനുമതി നേടാതെ ഓൺലൈൻ ആപ്പുകൾ വഴി പാസഞ്ചർ ട്രാൻസ്‌പോർട്ട് നടത്തുന്ന ഒരു കമ്പനി കണ്ടെത്തി.
ലൈസൻസുള്ള ലിമോസിൻ കമ്പനികളുടെ ഡ്രൈവർമാരുടെ 11 നിയമലംഘനങ്ങളും ലൈസൻസില്ലാതെ പാസഞ്ചർ ട്രാൻസ്‌പോർട്ടിനു സ്വകാര്യ വാഹനങ്ങൾ ഉപയോഗിക്കുന്ന 13 നിയമലംഘനങ്ങളും മന്ത്രാലയം റിപ്പോർട്ട് ചെയ്‌തു.
2025-ന്റെ ആദ്യ പാദത്തിൽ, ഓൺലൈൻ ആപ്പുകൾ വഴി പാസഞ്ചർ സർവീസുകൾ വാഗ്ദാനം ചെയ്യുന്ന ലൈസൻസുള്ള ലിമോസിൻ കമ്പനികളുടെ 66 നിയമലംഘനങ്ങൾ മന്ത്രാലയം കണ്ടെത്തി.
നിയമങ്ങൾ ലംഘിക്കുന്ന കമ്പനികൾക്കെതിരെ ശക്തമായ നടപടി സ്വീകരിക്കുമെന്ന് മന്ത്രാലയം വ്യക്തമാക്കി. എല്ലാ പാസഞ്ചർ ട്രാൻസ്‌പോർട്ട് കമ്പനികളും നിയമം പാലിക്കണമെന്ന് മന്ത്രാലയം ഓർമ്മിപ്പിച്ചു. പ്രത്യേകിച്ച് ഓൺലൈൻ ആപ്പുകൾ ഉപയോഗിച്ചു പ്രവർത്തിക്കുന്നതിന് മുമ്പ് MoT-യിൽ നിന്ന് ഔദ്യോഗിക അനുമതി നേടണം.
ലൈസൻസുള്ള കമ്പനികൾ ഉയർന്ന നിലവാരമുള്ള സേവനം നൽകുന്നുണ്ടെന്നും ഇവർക്കിടയിലെ മത്സരം ന്യായമാണെന്നും ഉറപ്പാക്കുക എന്നതാണ് പ്രധാന ലക്ഷ്യം. ലൈസൻസില്ലാത്ത കമ്പനികൾക്കെതിരെ കർശന നടപടി സ്വീകരിക്കുന്നത് തുടരുമെന്നും നിയമം അനുവദിക്കുന്ന ഏറ്റവും കഠിനമായ ശിക്ഷകൾ ഉണ്ടാകുമെന്നും മന്ത്രാലയം അറിയിച്ചു.
ഖത്തറിലെ വാർത്തകളും വിവരങ്ങളും തത്സമയം ലഭിക്കാൻ -വാട്ട്സ്ആപ്പ് ഗ്രൂപ്പ് 👇https://chat.whatsapp.com/D4WDfhjld0jFXSYHVlwyf2
