ഹെൽത്ത് റിസർച്ചിൽ ആർട്ടിഫിഷ്യൽ ഇന്റലിജൻസ് ഉപയോഗിക്കുന്നതിനെക്കുറിച്ച് ചർച്ച നടത്തി ഖത്തർ ആരോഗ്യമന്ത്രാലയം

ആരോഗ്യ സംബന്ധമായ ഗവേഷണങ്ങളിൽ ആർട്ടിഫിഷ്യൽ ഇൻ്റലിജൻസിൻ്റെ (AI) ഉപയോഗത്തിൽ ശ്രദ്ധ കേന്ദ്രീകരിച്ച് പൊതുജനാരോഗ്യ മന്ത്രാലയം (MOPH) അടുത്തിടെ നാഷണൽ ഹെൽത്ത് റിസർച്ച് എത്തിക്‌സ് വർക്ക്‌ഷോപ്പ് 2024 നടത്തി. നാഷണൽ സൈബർ സെക്യൂരിറ്റി ഏജൻസി (NCSA), ഖത്തർ യൂണിവേഴ്‌സിറ്റി (QU), ഹമദ് ബിൻ ഖലീഫ യൂണിവേഴ്‌സിറ്റി (HBKU) എന്നിവയുടെ സഹകരണത്തോടെയാണ് പരിപാടി സംഘടിപ്പിച്ചത്.

ഹെൽത്ത് റിസർച്ച്, ഡാറ്റാ മാനേജ്‌മെൻ്റ്, നയങ്ങൾ എന്നിവയ്‌ക്കായി AI ഉപയോഗിക്കുന്നതില് ആഗോള പ്രവണതകൾ വർക്ക്‌ഷോപ്പ് ഉൾക്കൊള്ളുന്നു. ഖത്തറിൽ നിന്നും ലോകത്തിന്റെ വിവിധ ഭാഗങ്ങളിൽ നിന്നുമുള്ള വിദഗ്ധർ മെഡിക്കൽ AI ഗവേണൻസ്, AI ഹെൽത്ത് കെയറിലെ സ്വകാര്യത, വൈദ്യശാസ്ത്രത്തിൽ AI ഉപയോഗിക്കുന്നതിലെ ധാർമ്മിക ആശങ്കകൾ തുടങ്ങിയ വിഷയങ്ങളിൽ സംസാരിച്ചു. മെഡിക്കൽ ഉപകരണങ്ങളിലും ക്ലിനിക്കൽ പ്രാക്ടീസുകളിലും AI-യുടെ പങ്കിനെ കുറിച്ചും ചർച്ച ചെയ്തു.

ഹെൽത്ത് റിസേർച്ചിൽ AI യുമായി ബന്ധപ്പെട്ട ധാർമ്മിക പ്രശ്‌നങ്ങൾ ഉയർത്തിക്കാട്ടുകയും AI സുരക്ഷിതമായും ധാർമ്മികമായും ഉപയോഗിക്കുന്നുണ്ടെന്ന് ഉറപ്പാക്കുകയും ചെയ്യുക എന്നതായിരുന്നു ശിൽപശാലയുടെ ലക്ഷ്യം. ഖത്തറിൻ്റെ വളരുന്ന ഗവേഷണ മേഖലയിലെ പ്രാദേശിക ഗവേഷകരുടെ കഴിവുകളും അറിവും മെച്ചപ്പെടുത്താനും ഇത് ലക്ഷ്യമിടുന്നു.

ഗവേഷകർ, ഹെൽത്ത് കെയർ പ്രൊഫഷണലുകൾ, വിദ്യാർത്ഥികൾ, ഖത്തറിലെ ഗവേഷണ സമൂഹത്തിലെ മറ്റ് പങ്കാളികൾ എന്നിവരുൾപ്പെടെ 250 ഓളം പേർ വർക്ക്‌ഷോപ്പിൽ പങ്കെടുത്തു.