ഈ സീസണിൽ ഖത്തറിലെ ബീച്ചുകളിലും ദ്വീപുകളിലുമായി 219 പെൺ ഹോക്സ്ബിൽ കടലാമകളെ കൂടുണ്ടാക്കിയതായി പരിസ്ഥിതി, കാലാവസ്ഥാ വ്യതിയാന മന്ത്രാലയം (MoECC) റിപ്പോർട്ട് ചെയ്തിട്ടുണ്ട്. ഫുവൈരിറ്റ്, റാസ് ലഫാൻ, അൽ ഘരിയ, റാസ് റുക്ൻ, ഉം തൈസ്, അൽ മറൂണ, ഷറൗവ, ഹാലുൽ എന്നീ എട്ട് പ്രധാന സ്ഥലങ്ങളിലാണ് ആമകളെ കണ്ടെത്തിയത്.
ലോകത്തിൽ ഏറ്റവും വംശനാശഭീഷണി നേരിടുന്ന കടൽ ജീവികളിൽ ഒന്നാണ് ഹോക്സ്ബിൽ കടലാമകൾ എന്ന് മന്ത്രാലയം പറഞ്ഞു. അറേബ്യൻ ഗൾഫിലെ ഈ കടലാമകളുടെ ഏറ്റവും പ്രധാനപ്പെട്ട കൂടുകെട്ടൽ പ്രദേശങ്ങളിൽ ചിലതാണ് ഖത്തറിലെ ബീച്ചുകൾ.
അവയെ സംരക്ഷിക്കാൻ സഹായിക്കുന്നതിനായി, ഫുവൈരിറ്റിലെ കടലാമകളുടെ കൂടുകെട്ടൽ സ്ഥലത്ത് മന്ത്രാലയം ഒരു ഫീൽഡ് സന്ദർശനം നടത്തി. ഖത്തർ മ്യൂസിയംസിൽ നിന്നുള്ള 130-ഓളം ആളുകളും, ഖത്തലം ജീവനക്കാരും അവരുടെ കുടുംബങ്ങളും സന്ദർശനത്തിൽ പങ്കുചേർന്നു. കുഞ്ഞു ആമകളെ കടലിലേക്ക് വിടുന്നത് അവർ കണ്ടാസ്വദിക്കുകയും ചെയ്‌തു.
സന്ദർശന വേളയിൽ, പരിപാടിയുടെ ലക്ഷ്യങ്ങൾ ഉദ്യോഗസ്ഥർ വിശദീകരിച്ചു. ഖത്തറിന്റെ വടക്കൻ തീരത്ത്, ആമകൾക്ക് കൂടുകൂട്ടാനും വളരാനും സുരക്ഷിതമായ ഒരു സ്ഥലം സൃഷ്ടിക്കുന്നത് ഇതിൽ ഉൾപ്പെടുന്നു. സമുദ്രജീവികളെ സംരക്ഷിക്കുന്നതിനായി സ്വീകരിച്ച നടപടികളെക്കുറിച്ചുള്ള വിവരങ്ങളും സന്ദർശനത്തിൽ പങ്കുവെച്ചു.
ഖത്തറിലെ വാർത്തകളും വിവരങ്ങളും തത്സമയം ലഭിക്കാൻ -വാട്ട്സ്ആപ്പ് ഗ്രൂപ്പ് 👇https://chat.whatsapp.com/JJuKuHKpVnF2oI3YhApCdt?mode=r_t
