പരിസ്ഥിതി സംരക്ഷണത്തിനായി പരിശോധനയും ബോധവൽക്കരണ ക്യാമ്പയിനും ആരംഭിച്ച് പരിസ്ഥിതി, കാലാവസ്ഥാ വ്യതിയാന മന്ത്രാലയം (MoECC). ജൂൺ 22 വരെ നീളുന്ന ഡ്രൈവ് രാജ്യത്തിൻ്റെ വടക്കൻ, മധ്യ, തെക്കൻ ഭാഗങ്ങളിലെ തീരപ്രദേശങ്ങളെ ലക്ഷ്യമിടുന്നു.
പരിസ്ഥിതി നിയമങ്ങളുടെ ലംഘനങ്ങൾ രേഖപ്പെടുത്തുകയും പരിസ്ഥിതി സംരക്ഷിക്കുന്നതിനായി രാജ്യം പുറപ്പെടുവിച്ച നിയമനിർമ്മാണങ്ങളെക്കുറിച്ച് ജനങ്ങളെ ബോധവത്കരിക്കുകയും ചെയ്യുക എന്നതാണ് കാമ്പയിൻ ലക്ഷ്യമിടുന്നത്.
ഈദ് അൽ അദ്ഹ ആഘോഷത്തിൻ്റെ ഭാഗമായി ധാരാളം ആളുകൾ ബീച്ചുകളിലും മറ്റ് പിക്‌നിക് സ്ഥലങ്ങളിലും സന്ദർശനം നടത്തുന്ന സാഹചര്യത്തിലാണ് ഡ്രൈവ് ആരംഭിച്ചതെന്ന് വൈൽഡ് ലൈഫ് പ്രൊട്ടക്ഷൻ ഡയറക്ടർ MoECC ഡിപ്പാർട്ട്‌മെൻ്റ് ഹമദ് സലേം അൽ നുഐമി പ്രസ്താവനയിൽ പറഞ്ഞു.
ജൂൺ 22 വരെ രാജ്യത്തിൻ്റെ വടക്കൻ, മധ്യ, തെക്കൻ ഭാഗങ്ങളിലെ നിരോധിത സ്ഥലങ്ങളിൽ മാലിന്യം തള്ളുന്നത് തടയുന്നതിലും നിരോധിത സ്ഥലങ്ങളിൽ ഒട്ടകങ്ങളെ വിടുന്നതിലും കാമ്പയിൻ ശ്രദ്ധ കേന്ദ്രീകരിക്കും, അൽ നുഐമി പറഞ്ഞു.
ഈദ് അൽ അദ്ഹയിൽ പിക്‌നിക്കർമാരെ ആകർഷിക്കുന്ന തീരപ്രദേശങ്ങളും ബീച്ചുകളും ഹാനികരമായ മാലിന്യങ്ങൾ നീക്കം ചെയ്യുന്നതിനുള്ള ശുചീകരണ കാമ്പെയ്‌നുകൾക്ക് സാക്ഷ്യം വഹിക്കുമെന്ന് അദ്ദേഹം പറഞ്ഞു.
വിവിധ മേഖലകളിൽ പ്രവർത്തിക്കുന്ന ക്രഷറുകളിൽ വകുപ്പ് പരിശോധനയും ബോധവൽക്കരണവും നടത്തുന്നുണ്ടെന്നും അദ്ദേഹം പറഞ്ഞു. “പരിസ്ഥിതി സംരക്ഷിക്കുന്നതിനുള്ള പ്രധാന നിയമങ്ങളെയും ചട്ടങ്ങളെയും കുറിച്ച് സന്ദർശകരെ ബോധവൽക്കാനായി ഖോർ അൽ ഉദൈദ്, സീലൈൻ എന്നിവിടങ്ങളും ഡ്രൈവ് ലക്ഷ്യമിടുന്നു,” അൽ നുഐമി പറഞ്ഞു.
അതേസമയം, ഖത്തറിൻ്റെ വടക്കൻ തീരത്തെ നിരവധി പ്രദേശങ്ങൾ ലക്ഷ്യമിട്ട് നടത്തിയ ബോധവൽക്കരണ കാമ്പയിനിൽ പരിസ്ഥിതി, കാലാവസ്ഥാ വ്യതിയാന മന്ത്രാലയം അടുത്തിടെ 17 പരിസ്ഥിതി ലംഘനങ്ങൾ രേഖപ്പെടുത്തിയിരുന്നു. വന്യജീവികളെ സംരക്ഷിക്കുന്നതിനും ജൈവവൈവിധ്യം ഉറപ്പാക്കുന്നതിനുമായി ഇൻ്റേണൽ സെക്യൂരിറ്റി ഫോഴ്‌സിൻ്റെ (ലെഖ്‌വിയ) ഏകോപനത്തോടെയാണ് ഡ്രൈവ് നടത്തിയത്.
🇶🇦 ഖത്തറിലെ വാർത്തകളും വിവരങ്ങളും തത്സമയം ലഭിക്കാൻ -വാട്ട്സ്ആപ്പ് ഗ്രൂപ്പ്👇https://chat.whatsapp.com/KzKal0sXKHF3P2dagEwpi5
