ഖത്തറിൽ വീട്ടിലിരുന്നുള്ള ബിസിനസ് എളുപ്പമാകും, ലൈസൻസിംഗ് ഫീസ് വെട്ടിക്കുറച്ച് വാണിജ്യ, വ്യവസായ മന്ത്രാലയം

ഖത്തറിൽ ഒരു ഹോം ബിസിനസ്സ് ആരംഭിക്കുന്നതിനുള്ള പ്രക്രിയകൾ ചിലവു കുറഞ്ഞതും ലളിതവുമാക്കി വാണിജ്യ വ്യവസായ മന്ത്രാലയം (MoCI). ഹോം ബേസ്‌ഡ് ബിസിനസുകളുടെ ലൈസൻസിംഗ് ഫീസ് QR1,500 ൽ നിന്ന് QR300 ആയി കുറച്ചുവെന്ന് മന്ത്രാലയം വ്യക്തമാക്കി. കൂടാതെ, അംഗീകൃത ഹോം ബിസിനസുകളുടെ എണ്ണം 15 ൽ നിന്ന് 63 ആയി വിപുലീകരിച്ചുവെന്നു നേരത്തെ തന്നെ അറിയിച്ചിരുന്നു.

ലൈസൻസ് ലഭിക്കുന്നതിന്, അപേക്ഷകർ വീട്ടുടമസ്ഥൻ്റെ ക്യുഐഡി, ബിസിനസ് അപേക്ഷകൻ്റെ ക്യുഐഡി എന്നിവ നൽകേണ്ടതുണ്ട്. കൂടാതെ, ക്യുഐഡിയിലെ വിലാസം “ഓൺവാനി” സിസ്റ്റത്തിൽ ലിസ്റ്റ് ചെയ്തിരിക്കുന്ന വീട്ടുവിലാസവുമായി പൊരുത്തപ്പെടുന്നുണ്ടെന്ന് ഉറപ്പാക്കുകയും വേണം. ഓരോ തരത്തിലുള്ള ബിസിനസ് പ്രവർത്തനങ്ങൾക്കും പ്രത്യേക ലൈസൻസ് ആവശ്യമാണ്. ലോക്കൽ ട്രാഫിക്കിനും അയൽപക്കത്തുള്ളവർക്കും ബുദ്ധിമുട്ടുണ്ടാകില്ലെന്ന് ഉറപ്പു വരുത്തിയാണ് ലൈസൻസ് നൽകുക.

ഏകജാലക പോർട്ടലിലൂടെ ഓൺലൈനായി ആപ്ലിക്കേഷൻ നൽകാൻ കഴിയും. നിങ്ങൾ ഓൺലൈൻ ആയി അപേക്ഷിക്കുകയാണെങ്കിൽ, അധികം ഫോമുകളില്ലാതെ അപേക്ഷാ പ്രക്രിയ ലളിതമായിരിക്കും. വാണിജ്യ-വ്യവസായ മന്ത്രാലയം ലൈസൻസിംഗ് പ്രക്രിയ കൈകാര്യം ചെയ്യും, അതേസമയം പൊതുജനാരോഗ്യ മന്ത്രാലയം ബിസിനസുകളുടെ ഭക്ഷ്യ സുരക്ഷയ്ക്കും ആരോഗ്യ നിയന്ത്രണങ്ങൾക്കും മേൽനോട്ടം വഹിക്കും.

ഖത്തറിൻ്റെ ദേശീയ ദർശനം 2030നൊപ്പം പ്രാദേശിക സംരംഭകത്വവും നിക്ഷേപവും പ്രോത്സാഹിപ്പിക്കുന്നതിനുള്ള വിപുലമായ ശ്രമത്തിൻ്റെ ഭാഗമാണ് ഈ ഉദ്യമം. മൂന്നാം ദേശീയ വികസന തന്ത്രത്തിൽ പറഞ്ഞിരിക്കുന്നതുപോലെ, കൂടുതൽ ചടുലമായ ബിസിനസ്സ് അന്തരീക്ഷം പ്രോത്സാഹിപ്പിക്കുന്നതിനും സുസ്ഥിര സാമ്പത്തിക വളർച്ചയെ പിന്തുണയ്ക്കുന്നതിനുമാണ് ഈ നീക്കം. 2030).