മത്താഫ്‌: അറബ് മ്യൂസിയം ഓഫ് മോഡേൺ ആർട്ടിന്റെ 15-ാം വാർഷികാഘോഷങ്ങൾക്ക് തുടക്കമാകുന്നു. ആഘോഷങ്ങളുടെ ഭാഗമായി ആരംഭിക്കുന്ന രണ്ട് പ്രദർശനങ്ങളെക്കുറിച്ചുള്ള പുതിയ വിവരങ്ങൾ ഖത്തർ മ്യൂസിയംസ് പുറത്തുവിട്ടു. ഒക്ടോബർ 31-ന് പ്രദർശനങ്ങൾ ആരംഭിക്കും.
സംവാദം വളർത്തുന്നതിനും അറബ് ആധുനിക, സമകാലിക കലകളെക്കുറിച്ചുള്ള ആഗോള ധാരണ വികസിപ്പിക്കുന്നതിനുമുള്ള മത്താഫിന്റെ ദൗത്യത്തെ പ്രദർശനങ്ങൾ ഒരുമിച്ച് കൊണ്ടുവരുന്നു. അതേസമയം വൈവിധ്യമാർന്ന പ്രേക്ഷകരെ ഉൾപ്പെടുത്തുന്നു.
മത്താഫിന്റെ 15 വർഷത്തെ ആഘോഷം, അറബ് ആധുനികതയുടെ ചരിത്രത്തെ ഉയർത്തിക്കാട്ടുന്നതിൽ അതിന്റെ നിർണായക പങ്ക് തുടങ്ങിയവ പ്രദർശനങ്ങളുടെ പ്രമേയമാകും.
പ്രതിരോധശേഷി, പ്രവർത്തനം എന്നിവ ചർച്ച ചെയ്യുന്ന, അറബ് ലോകത്തെ 15-ലധികം സമകാലിക കലാകാരന്മാരുടെ കൃതികൾ അവതരിപ്പിക്കുന്ന ഒരു ഗ്രൂപ്പ് എക്സിബിഷൻ ‘വീ റെഫ്യൂസ്_ഡി’ ഏറ്റവും ആകർഷകമായ എക്സിബിഷനാകും.
ഖത്തർ നാഷണൽ മ്യൂസിയം സ്ഥാപിതമായതിനു ശേഷമുള്ള കഴിഞ്ഞ 50 വർഷക്കാലത്തെയും ഖത്തർ മ്യൂസിയംസ് സ്ഥാപിതമായതിനു ശേഷമുള്ള 20 വർഷങ്ങളിലെയും ഖത്തറിന്റെ സാംസ്കാരിക യാത്രയെ ആദരിക്കുന്ന 18 മാസത്തെ കാമ്പെയ്‌നായ “എവല്യൂഷൻ നേഷന്റെ” ഭാഗമായാണ് മത്താഫിന്റെ 15-ാം വാർഷിക സീസൺ അവതരിപ്പിക്കുന്നത്.
ഖത്തർ ക്രിയേറ്റ്‌സ് ക്യൂറേറ്റ് ചെയ്‌ത, ഖത്തർ കല, സംസ്‌കാരം, സർഗ്ഗാത്മകത എന്നിവയുടെ ആഗോള കേന്ദ്രമായി ഖത്തറിനെ സ്ഥാനപ്പെടുത്തുന്ന ഇവല്യൂഷൻ നേഷൻ, രാജ്യത്തിന്റെ സാംസ്കാരിക നാഴികക്കല്ലുകളും ഭാവിയിലേക്കുള്ള അഭിലാഷങ്ങളും എടുത്തുകാണിക്കുന്നു.
