ദോഹ: ലുസൈൽ ട്രാം ശൃംഖലയുടെ ഓറഞ്ച് ലൈനിലെ ലുസൈൽ സെൻട്രൽ നാളെ 2022 ഏപ്രിൽ 9 മുതൽ യാത്രക്കാർക്കായി തുറന്നുകൊടുക്കുമെന്ന് ഖത്തർ റെയിൽ അറിയിച്ചു.
ഈ വർഷം ആദ്യം ലുസൈൽ ട്രാമിന്റെ പ്രിവ്യൂ സേവനത്തിന്റെ ആദ്യ ഘട്ടത്തിന്റെ ഭാഗമായി ആരംഭിച്ച ഓറഞ്ച് ലൈനിലെ മറ്റ് ആറ് സ്റ്റേഷനുകൾക്കൊപ്പം ഈ സ്റ്റേഷനും ഇനി സേവനത്തിലുണ്ടാകും.
ട്രാം ലുസൈൽ ഓറഞ്ച് ലൈൻ പ്രിവ്യൂ സർവീസ് സ്റ്റേഷനുകളിൽ മറീന, മറീന പ്രൊമെനേഡ്, യാച്ച് ക്ലബ്, എസ്പ്ലനേഡ്, എനർജി സിറ്റി സൗത്ത്, ലെഗ്തൈഫിയ എന്നിവ ഉൾപ്പെടുന്നു.
ലുസൈൽ സെൻട്രൽ സ്റ്റേഷൻ തുറന്നാൽ അടുത്തുള്ള റെസിഡൻഷ്യൽ ഏരിയകളിലും പ്ലേസ് വെൻഡോം മാളിലും യാത്രക്കാർക്ക് സർവീസ് നൽകാൻ സഹായിക്കും.
