ഇന്ത്യൻ കിംഗ് ഓഫ് ഇൻഡി പോപ്പ് എന്നറിയപ്പെടുന്ന ഗായകൻ ലക്കി അലി, പ്രശസ്ത സ്റ്റാൻഡ് അപ് കൊമേഡിയൻ സക്കീർ ഖാൻ എന്നിവർ 2023 സെപ്റ്റംബറിൽ ദോഹയിൽ പരിപാടികൾ അവതരിപ്പിക്കും. ഇരുവരും ആദ്യമായാണ് ഖത്തറിൽ പരിപാടിക്കായെത്തുന്നത്.
സ്‌പോട്ട്‌ലൈറ്റ് എന്റർടൈൻമെന്റും നൈറ്റ് എന്റർടൈൻമെന്റും ചേർന്നാണ് പരിപാടിയുടെ നടത്തിപ്പ്, ഓഗസ്റ്റ് പകുതിയോടെ ടിക്കറ്റുകൾ റിലീസ് ചെയ്യുമെന്നും പരിപാടികളുടെ വേദിയെയും കൃത്യമായ തീയതിയെയും കുറിച്ചുള്ള കൂടുതൽ വിവരങ്ങൾ ഉടൻ വെളിപ്പെടുത്തുമെന്നും സംഘാടകർ അറിയിച്ചു.
പ്രശസ്ത ഇന്ത്യൻ ഗായകനും ഗാനരചയിതാവും നടനുമായ ലക്കി അലി ‘ഓ സനം’, ‘ഏക് പാൽ കാ ജീന’ തുടങ്ങിയ ഹിറ്റുകൾ കൊണ്ട് ശ്രദ്ധേയനാണ്.
സ്റ്റാൻഡ്അപ്പ് കോമേഡിയൻ സക്കീർ ഖാൻ തന്റെ തനതായ കഥപറച്ചിലിനും രസകരമായ നർമ്മത്തിനും പേരുകേട്ടതാണ്. ‘ഹഖ് സെ സിംഗിൾ’, ‘ചാച്ചാ വിധായക് ഹേ ഹുമാരേ’, ‘കക്ഷ ഗ്യാർവി’, ‘തഥാസ്തു’ എന്നീ ഹിറ്റ് കോമഡി സെറ്റുകൾ കൊണ്ട് ശ്രദ്ധേയമായ സക്കീർ ഖാൻ, ഏറ്റവും ജനപ്രിയമായ സ്റ്റാൻഡ്-അപ്പ് കോമേഡിയൻമാരിൽ ഒരാളായി മാറുകയും ആഗോളതലത്തിൽ ഒരു വലിയ ആരാധകവൃന്ദം നേടുകയും ചെയ്തു.
🇶🇦 ഖത്തറിലെ വാർത്തകളും വിവരങ്ങളും തത്സമയം ലഭിക്കാൻ -വാട്ട്സ്ആപ്പ് ഗ്രൂപ്പ്👇https://chat.whatsapp.com/Hqdo3Xy51yW9XU2HVyXb0j
