നിയമലംഘനങ്ങൾ കണ്ടെത്താൻ ഓട്ടോഗൈറോ വിമാനങ്ങൾ, ഈ വർഷത്തിന്റെ ആദ്യപാദത്തിൽ ഒൻപത് ഫ്‌ളൈറ്റുകൾ നടത്തി
2025-ന്റെ ആദ്യ പാദത്തിൽ, പരിസ്ഥിതി, കാലാവസ്ഥാ വ്യതിയാന മന്ത്രാലയം (MoECC) ഓട്ടോഗൈറോ വിമാനങ്ങൾ ഉപയോഗിച്ച് ഒമ്പത് ഫ്‌ളൈറ്റുകൾ നടത്തി. ഈ ഫ്‌ളൈറ്റുകൾ ഏകദേശം 13 മണിക്കൂർ നീണ്ടു നിന്നവയായിരുന്നു. രാജ്യത്തിന്റെ വടക്കൻ, തെക്കൻ പ്രദേശങ്ങളിലെ 22 പാരിസ്ഥിതിക ലംഘനങ്ങൾ കണ്ടെത്താൻ ഇത് സഹായിച്ചു.
വാദി അൽ-ദഹുവോൾ പോലുള്ള സംരക്ഷിത പ്രദേശങ്ങളിൽ അനുവാദമില്ലാതെ പ്രവേശിക്കുന്നവർ, ശൈത്യകാല ക്യാമ്പിംഗിനിടെ അനുവദനീയമല്ലാത്ത സ്ഥലങ്ങളിൽ മാലിന്യം നിക്ഷേപിക്കൽ, അനധികൃത നിർമാണ പ്രവർത്തനങ്ങൾ, മാലിന്യങ്ങൾ കത്തിക്കൽ എന്നിവ നിയമലംഘനങ്ങളിൽ ഉൾപ്പെടുന്നു. 22 കേസുകളിൽ 16 എണ്ണം വന്യജീവി സംരക്ഷണവുമായി ബന്ധപ്പെട്ടതും 6 എണ്ണം പ്രകൃതി സംരക്ഷണ കേന്ദ്രങ്ങളുമായി ബന്ധപ്പെട്ടതുമാണ്.
ആകാശത്ത് വിമാനത്തിന്റെ സാന്നിധ്യമുള്ളത് ഒരു മുന്നറിയിപ്പായതിനാൽ കൂടുതൽ ആളുകൾ നിയമം ലംഘിക്കുന്നത് തടയാൻ സഹായിച്ചു. പരിസ്ഥിതി നിയമങ്ങൾ എത്രത്തോളം പാലിക്കപ്പെടുന്നുവെന്നു മനസിലാക്കുന്നതിനും ഇത് സഹായിച്ചു. വന്യജീവികളെയും സമുദ്ര മേഖലകളെയും വ്യക്തമായി നിരീക്ഷിക്കാൻ കഴിയുന്ന ഹൈടെക് ക്യാമറകൾ വിമാനത്തിൽ സജ്ജീകരിച്ചിരിക്കുന്നു. ഒരു ലംഘനത്തെക്കുറിച്ച് റിപ്പോർട്ട് ലഭിച്ചാൽ ഏത് സ്ഥലത്തും ഇതിന് വേഗത്തിൽ എത്തിച്ചേരാനാകും. ഇതുവരെ, ഇതിന് ഒരു സാങ്കേതിക പ്രശ്‌നവും നേരിടേണ്ടി വന്നിട്ടുമില്ല.
ഖത്തറിന്റെ പരിസ്ഥിതി സംരക്ഷണ ശ്രമങ്ങളിൽ ഓട്ടോഗൈറോ വിമാനങ്ങൾ ഉപയോഗിക്കുന്നത് ഒരു വലിയ ചുവടുവയ്പ്പാണ്. പ്രകൃതിയെ സംരക്ഷിക്കാനും, നിയമലംഘനങ്ങൾ കുറയ്ക്കാനും, പരിസ്ഥിതിയോട് കൂടുതൽ ഉത്തരവാദിത്തമുള്ള മനോഭാവം പ്രോത്സാഹിപ്പിക്കാനും സഹായിച്ച് രാജ്യത്തിന്റെ ദേശീയ ദർശനം 2030-നെ ഇത് പിന്തുണയ്ക്കുന്നു.
ഖത്തറിലെ വാർത്തകളും വിവരങ്ങളും തത്സമയം ലഭിക്കാൻ -വാട്ട്സ്ആപ്പ് ഗ്രൂപ്പ് 👇https://chat.whatsapp.com/JlM3OXullDx42kdlpGxvJE
