ഹമദ് മെഡിക്കൽ കോർപ്പറേഷൻ (എച്ച്എംസി), പ്രൈമറി ഹെൽത്ത് കെയർ കോർപ്പറേഷൻ (പിഎച്ച്സിസി) എന്നിവയുമായി സഹകരിച്ച്, സീസണൽ ഇൻഫ്ലുവൻസ, റെസ്പിറേറ്ററി സിൻസിറ്റിയൽ വൈറസ്, കോവിഡ് 19 ഉൾപ്പെടെയുള്ള വൈറൽ റെസ്പിറേറ്ററി അണുബാധകളിൽ നിന്ന് പൊതുജനങ്ങളെ സംരക്ഷിക്കാൻ ലക്ഷ്യമിട്ടുള്ള ബോധവൽക്കരണ കാമ്പയിൻ പബ്ലിക് ഹെൽത്ത് മന്ത്രാലയം, ആരംഭിച്ചു.
എല്ലാ വർഷവും ഈ സമയത്ത് വൈറൽ റെസ്പിറേറ്ററി അണുബാധ അസുഖങ്ങൾ വരുന്നത് വളരെ കൂടുതൽ ആണെന്ന് എച്ച്എംസിയിലെ സാംക്രമിക രോഗങ്ങളുടെ തലവൻ ഡോ. അബ്ദുല്ലത്തീഫ് അൽ ഖൽ വിശദീകരിച്ചു. “താപനില കുറയുകയും ശീതകാല റെസ്പിറേറ്ററി വൈറസുകൾ സമൂഹത്തിൽ കൂടുതൽ വ്യാപിക്കുകയും ചെയ്യുന്നതിനാൽ, രോഗം വരാനുള്ള സാധ്യത കുറയ്ക്കുന്നതിന് ആളുകൾ നടപടിയെടുക്കേണ്ടത് പ്രധാനമാണ്.”
“ഫ്ലൂ, ആർഎസ്വി അല്ലെങ്കിൽ COVID-19 എന്നിവ ആർക്കും പിടിപെടാമെങ്കിലും, ചില വിഭാഗങ്ങൾക്ക് ഗുരുതരമായ ലക്ഷണങ്ങൾ ഉണ്ടാകാനുള്ള സാധ്യത കൂടുതലാണ്. ഇതിൽ 50 വയസ്സിനു മുകളിലുള്ളവർ, വിട്ടുമാറാത്ത രോഗാവസ്ഥയുള്ള വ്യക്തികൾ, ഗർഭിണികൾ, കൊച്ചുകുട്ടികൾ, പ്രത്യേകിച്ച് 5 വയസ്സിന് താഴെയുള്ളവർ എന്നിവർ ഉൾപ്പെടുന്നു,” ഡോ. അൽ ഖാൽ വിശദീകരിച്ചു.
.പനി, ചുമ, തൊണ്ടവേദന, മൂക്കൊലിപ്പ്, ശരീരവേദന, തലവേദന, ചിലപ്പോൾ ശ്വാസതടസ്സം എന്നിവയാണ് ലക്ഷണങ്ങൾ. ഫ്ലൂ, ആർഎസ്വി, കോവിഡ്-19 എന്നിവയുടെ ലക്ഷണങ്ങൾ സമാനമാണെന്നും ഡോ. അൽ ഖാൽ പറഞ്ഞു. ഈ ലക്ഷണങ്ങൾ അനുഭവിക്കുന്നവർ മറ്റുള്ളവരിലേക്ക് അണുബാധ പകരാനുള്ള സാധ്യത കുറയ്ക്കുന്നതിന് വീട്ടിൽ തന്നെ കഴിയണം.
രോഗലക്ഷണങ്ങൾ മിതമായതോ കഠിനമോ ആണെങ്കിൽ, രോഗനിർണയത്തിനും ചികിത്സയ്ക്കുമായി വ്യക്തികൾ പ്രാഥമിക ആരോഗ്യ കേന്ദ്രം സന്ദർശിച്ച് വൈദ്യസഹായം തേടണം. ഇൻഫ്ലുവൻസയ്ക്കും കോവിഡ്-19-നും അണുബാധയുടെ തുടക്കത്തിൽ തന്നെ നൽകിയാൽ ഫലപ്രദമായ ചികിത്സകളുണ്ട്. പ്രായം അല്ലെങ്കിൽ വിട്ടുമാറാത്ത അവസ്ഥകൾ കാരണം ഗുരുതരമായ അണുബാധയ്ക്കുള്ള സാധ്യത കൂടുതലുള്ള ആളുകൾക്ക് ഇത് വളരെ പ്രധാനമാണ്.
🇶🇦 ഖത്തറിലെ വാർത്തകളും വിവരങ്ങളും തത്സമയം ലഭിക്കാൻ -വാട്ട്സ്ആപ്പ് ഗ്രൂപ്പ്👇https://chat.whatsapp.com/KymOKj4Bi1pF8sPsKUwSuv
