ഇന്റർനാഷണൽ ഹോർട്ടികൾച്ചറൽ എക്സിബിഷൻ, എക്സ്പോ 2023 ദോഹ, 80 രാജ്യങ്ങളുടെ പങ്കാളിത്തത്തോടെ 2023 ഒക്ടോബർ 2 ന് അൽ ബിദ്ദ പാർക്കിൽ ആരംഭിക്കും. 2024 മാർച്ച് 28 വരെ നടക്കുന്ന ഇവന്റ് 6 മാസം നീണ്ടുനിൽക്കും.
‘ഗ്രീൻ ഡെസേർട്ട് ബെറ്റർ എൻവയോൺമെന്റ്’ എന്ന പ്രമേയത്തിന് കീഴിൽ മിഡിൽ ഈസ്റ്റ്, നോർത്ത് ആഫ്രിക്ക റീജിയണിൽ (മെന) ഇത്തരത്തിലുള്ള ആദ്യ ഇവന്റ് ആണിത്. 1.7 ദശലക്ഷം ചതുരശ്ര മീറ്ററിൽ വ്യാപിച്ചുകിടക്കുന്ന എക്സ്പോ മൂന്ന് ദശലക്ഷത്തിലധികം സന്ദർശകരെ പ്രതീക്ഷിക്കുന്നു.
“ഈ പരിപാടി സംഘടിപ്പിക്കുന്നതിലൂടെ പരിസ്ഥിതി, സാംസ്കാരിക വിഷയങ്ങളിൽ അന്താരാഷ്ട്ര സഹകരണം പ്രോത്സാഹിപ്പിക്കുന്നതിനും മരുഭൂമിവൽക്കരണത്തിന്റെ ആഗോള വെല്ലുവിളി നേരിടുന്നതിനും ഞങ്ങൾ ശ്രമിക്കുന്നു,” മുനിസിപ്പാലിറ്റി മന്ത്രി ഡോ. അബ്ദുല്ല ബിൻ അബ്ദുൽ അസീസ് ബിൻ തുർക്കി അൽ സുബൈയ് പ്രസ്താവനയിൽ പറഞ്ഞു.
എല്ലാ അന്താരാഷ്ട്ര മേളകളുടെയും മേൽനോട്ടത്തിനും ഓർഗനൈസേഷനും ഉത്തരവാദിത്തമുള്ള അന്തർ സർക്കാർ സ്ഥാപനമായ BIE യുടെ മേൽനോട്ടത്തിലായിരിക്കും പരിപാടി.
ഹോർട്ടികൾച്ചറൽ മേഖലയിലെ തൊഴിലാളികളെ പ്രോത്സാഹിപ്പിക്കുന്നതിൽ വൈദഗ്ധ്യമുള്ള അന്താരാഷ്ട്ര സർക്കാരിതര സംഘടനയായ ഇന്റർനാഷണൽ സൊസൈറ്റി ഫോർ ഹോർട്ടികൾച്ചറൽ സയൻസും പരിപാടിയിൽ ആഭിമുഖ്യം വഹിക്കും.
ആദ്യമായാണ് ഖത്തറിൽ എ1 ഇന്റർനാഷണൽ ഹോർട്ടികൾച്ചറൽ എക്സിബിഷൻ നടക്കുന്നതെന്നും മെന മേഖലയിൽ ഇത്തരത്തിലുള്ള ആദ്യത്തേതായിരിക്കുമെന്നും, മുനിസിപ്പാലിറ്റി മന്ത്രാലയത്തിലെ പബ്ലിക് പാർക്ക് ഡിപ്പാർട്ട്‌മെന്റ് ഡയറക്ടറും എക്സ്പോ ആതിഥേയത്വം വഹിക്കുന്നതിനുള്ള നാഷണൽ കമ്മിറ്റി സെക്രട്ടറി ജനറലുമായ മുഹമ്മദ് അലി അൽ ഖൂരി പത്രസമ്മേളനത്തിൽ അറിയിച്ചു.
ഭക്ഷണവും ഔഷധ ചേരുവകളും ഉൽപ്പാദിപ്പിക്കുന്നതിനോ സുഖസൗകര്യങ്ങൾക്കും അലങ്കാര ആവശ്യങ്ങൾക്കുമായി തോട്ടങ്ങളിൽ ചെടികൾ വളർത്തുന്ന കലയാണ് ഹോർട്ടികൾച്ചർ എന്ന് അൽ ഖൂരി പറഞ്ഞു.
“ഗ്രീൻ ഡെസേർട്ട് ബെറ്റർ എൻവയോൺമെന്റ്’ എന്ന എക്സിബിഷന്റെ പ്രധാന തീം സന്ദർശകരെ പ്രചോദിപ്പിക്കുന്നതിനും പരിസ്ഥിതി മരുഭൂകരണം കുറയ്ക്കുന്നതിനുള്ള നൂതനമായ പരിഹാരങ്ങളും വഴികളുമാണ് തേടുന്നത്.”
ആധുനിക കൃഷി, സാങ്കേതികവിദ്യയും നവീകരണവും, പരിസ്ഥിതി അവബോധം, സുസ്ഥിരത എന്നിവയുൾപ്പെടെ നാല് ഉപവിഷയങ്ങളാണ് തീം ഉൾക്കൊള്ളുന്നത്.
179 ദിവസങ്ങളിലായി 80 രാജ്യങ്ങൾ പങ്കെടുക്കുന്ന എക്‌സ്‌പോയിൽ ഖത്തറിന് അഭിമാനമുണ്ടെന്ന് അൽ ഖൗരി പറഞ്ഞു. അസാധാരണമായ എക്സിബിഷനുകൾ, നയതന്ത്ര മീറ്റിംഗുകൾ, ബിസിനസ് മീറ്റിംഗുകൾ, പൊതു ചർച്ചകൾ എന്നിവയുൾപ്പെടെയുള്ള വിവിധ പ്രവർത്തനങ്ങളെക്കുറിച്ച് അറിയാൻ ഈ എക്സിബിഷൻ മൂന്ന് ദശലക്ഷം സന്ദർശകർക്ക് അവസരം നൽകും, അദ്ദേഹം വിശദമാക്കി.
അതേസമയം, എക്സിബിഷൻ വേദിയെ ഇന്റർനാഷണൽ സോൺ, ഫാമിലി ഏരിയ, കൾച്ചറൽ ഡിസ്‌ട്രിക്റ്റ് എന്നിങ്ങനെ മൂന്ന് മേഖലകളായി തിരിച്ചിരിക്കുന്നതായി എക്സ്പോ 2023 ദോഹയുടെ ഇവന്റ്‌സ് ഡിപ്പാർട്ട്‌മെന്റ് ആൻഡ് കോർപ്പറേറ്റ് കമ്മ്യൂണിക്കേഷൻ ഡയറക്ടർ ഹൈഫ അൽ ഒതൈബി അറിയിച്ചു.
