ഖത്തറിന്റെ വിവിധ ഭാഗങ്ങളിൽ നേരിയ തോതിൽ മഴ, സമുദ്രസംബന്ധമായ പ്രവർത്തനങ്ങളൊന്നും നടത്തരുതെന്ന് കാലാവസ്ഥാ വകുപ്പ്

ഫെബ്രുവരി 27, വ്യാഴാഴ്‌ച ഖത്തറിലുടനീളം നേരിയ മഴ തുടരുന്നു. ഈ വാരാന്ത്യത്തിൽ കടലിൽ ശക്തമായ കാറ്റിനും ഉയർന്ന തിരമാലകൾക്കും സാധ്യതയുണ്ടെന്ന് ഖത്തർ കാലാവസ്ഥാ വകുപ്പ് (ക്യുഎംഡി) മുന്നറിയിപ്പ് നൽകി.

നീന്തൽ, ബോട്ടിങ്, സ്‌കൂബ ഡൈവിംഗ്, ഫ്രീ ഡൈവിംഗ്, സർഫിംഗ്, മത്സ്യബന്ധനം, വിൻഡ് സർഫിങ് എന്നിവയുൾപ്പെടെ കടലുമായി ബന്ധപ്പെട്ട എല്ലാ പ്രവർത്തനങ്ങളും ഒഴിവാക്കണമെന്ന് ക്യുഎംഡി എല്ലാവരേയും ഉപദേശിക്കുന്നു.

ഇന്ന് രാവിലെ ഏറ്റവും കുറഞ്ഞ താപനില അബു സമ്രയിൽ 12 ഡിഗ്രി സെൽഷ്യസും ദോഹയിൽ 15 ഡിഗ്രി സെൽഷ്യസും രേഖപ്പെടുത്തി.

ഈ കാലാവസ്ഥ വാരാന്ത്യത്തിൽ തുടരുമെന്ന് പ്രതീക്ഷിക്കുന്നു, പകൽ സമയത്ത് തണുപ്പോ മിതമായ താപനിലയോ ആയിരിക്കും. വെള്ളി മുതൽ ശനി വരെ താപനില 14 ഡിഗ്രി സെൽഷ്യസിനും 24 ഡിഗ്രി സെൽഷ്യസിനും ഇടയിലായിരിക്കും.

കാറ്റ് വടക്കുപടിഞ്ഞാറ് നിന്ന് 8-18 നോട്ട് വേഗതയിൽ വീശും, ഇത് ചിലപ്പോൾ 26 നോട്ട് വരെ ഉയരും. കടൽ തിരമാലകൾ വെള്ളിയാഴ്ച്ച 4-8 അടി ഉയരത്തിലും ചിലപ്പോൾ 10 അടി വരെ ഉയരത്തിലും ശനിയാഴ്ച്ച 3-5 അടി ഉയരത്തിലോ 8 അടി വരെ ഉയരത്തിലോ എത്താം.

ഖത്തറിലെ വാർത്തകളും വിവരങ്ങളും തത്സമയം ലഭിക്കാൻ -വാട്ട്സ്ആപ്പ് ഗ്രൂപ്പ് 👇https://chat.whatsapp.com/KIN30zTLtBDKISiedAzBHx