രാജ്യത്തെ നൂതന ഡിജിറ്റൽ ബാങ്കിംഗ് സേവന ദാതാക്കളായ കൊമേഴ്‌സ്യൽ ബാങ്ക്, അതിൻ്റെ ക്രെഡിറ്റ് കാർഡ് ഉടമകൾക്ക് പ്രത്യേകമായ ‘ബൈ വൺ ഗെറ്റ് വൺ’ ഓഫർ നൽകാൻ ലക്ഷ്യമിട്ട്, തിയേറ്റർ ഗ്രൂപ്പായ നോവോ സിനിമാസുമായി ചേർന്ന് കരാർ ഒപ്പിട്ടു.
2024 മാർച്ച് 25-ന് ആരംഭിച്ച ഓഫർ കാമ്പയിൻ 2024 ഡിസംബർ 31-ന് പൂർത്തിയാകും.
ഈ എക്‌സ്‌ക്ലൂസീവ് ഓഫർ ലഭിക്കുന്നതിന്, ഉപഭോക്താക്കൾക്ക് നോവോ സിനിമാസിൻ്റെ ഔദ്യോഗിക വെബ്‌സൈറ്റ് qa.novocinemas.com സന്ദർശിക്കാം അല്ലെങ്കിൽ Novo മൊബൈൽ ആപ്പ് ഉപയോഗിക്കാം.
ക്രെഡിറ്റ് കാർഡുകളിലെ ബാങ്കിൻ്റെ മൂല്യനിർണ്ണയത്തിലേക്കുള്ള ഒരു ചുവടുവയ്പ്പാണ് ഈ സംരംഭമെന്ന് കൊമേഴ്‌സ്യൽ ബാങ്ക് കാർഡ് ഇഷ്യുൻസ് മേധാവി ശ്രീകുമാർ ചന്ത്രോത്ത് അഭിപ്രായപ്പെട്ടു. നിലവിലുള്ള ‘ബൈ വൺ ഗെറ്റ് വൺ’ ഓഫറിനു പുറമേ, കാലാകാലങ്ങളിൽ കൂടുതൽ ആനുകൂല്യങ്ങൾ നൽകുന്നതിൽ അദ്ദേഹം ശുഭാപ്തിവിശ്വാസം പ്രകടിപ്പിച്ചു.
നോവോ സിനിമാസിൽ ഉപഭോക്താക്കൾ അവരുടെ ആസ്വാദന സമയം ഒരു മികച്ച സിനിമാറ്റിക് അനുഭവമാക്കി മാറ്റുക എന്നതാണ് പങ്കാളിത്തത്തിൻ്റെ ലക്ഷ്യം. ഖത്തറിലും പുറത്തുമുള്ള ഉപഭോക്താക്കൾക്കായി ബാങ്കിംഗിൻ്റെ സത്ത പുനർനിർവചിക്കാൻ കൊമേഴ്‌സ്യൽ ബാങ്ക് പ്രതിജ്ഞാബദ്ധമാണെന്ന് അധികൃതർ പറഞ്ഞു.
🇶🇦 ഖത്തറിലെ വാർത്തകളും വിവരങ്ങളും തത്സമയം ലഭിക്കാൻ -വാട്ട്സ്ആപ്പ് ഗ്രൂപ്പ്👇https://chat.whatsapp.com/KzKal0sXKHF3P2dagEwpi5
