പൊതുമരാമത്ത് അതോറിറ്റിയായ അഷ്ഗാൽ, ഇസ്ഗാവ സ്ട്രീറ്റുമായുള്ള കവലയിൽ നിന്ന് അൽ സാഫ്രാനിയ സ്ട്രീറ്റിലേക്കുള്ള സെക്രീറ്റ് സ്ട്രീറ്റിന്റെ ഒരു ഭാഗം താൽക്കാലികമായി അടച്ചിടുന്നതായി പ്രഖ്യാപിച്ചു. ജൂലൈ 18 വെള്ളിയാഴ്ച പുലർച്ചെ 12 മുതൽ വൈകുന്നേരം 6 വരെ 18 മണിക്കൂർ സ്ട്രീറ്റ് അടച്ചിടും.
അന്തിമ ആസ്ഫാൽറ്റ് ലെയർ ജോലികൾ നടക്കുന്നതിനാലാണ് അടച്ചിടൽ.
അടച്ചിടൽ കാലയളവിൽ, സെക്രീറ്റ് സ്ട്രീറ്റ് ഉപയോഗിക്കുന്നവർ ഇസ്ഗാവ സ്ട്രീറ്റിൽ നേരെ യാത്ര തുടരാൻ നിർദ്ദേശിക്കുന്നു. തുടർന്ന് വലത്തേക്ക് ഗരാഫത്ത് അൽ റയ്യാൻ സ്ട്രീറ്റിലേക്ക് തിരിഞ്ഞ് അൽ റുഫ സ്ട്രീറ്റ് ഉപയോഗിച്ച് അവർക്ക് ആവശ്യമുള്ള സ്ഥലങ്ങളിൽ എത്തിച്ചേരാം.
