ഖത്തറിലെ നിർബന്ധിത ആരോഗ്യ ഇൻഷുറൻസ് പദ്ധതിയുടെ ആദ്യ ഘട്ടം 2023 ഫെബ്രുവരി 1-ന് ആരംഭിക്കുമെന്ന് പൊതുജനാരോഗ്യ മന്ത്രാലയം (MoPH) അറിയിച്ചു. ഖത്തറിലെ എല്ലാ സന്ദർശകർക്കും ആരോഗ്യ ഇൻഷുറൻസ് പോളിസി ഉണ്ടായിരിക്കണം. പദ്ധതി ഘട്ടംഘട്ടമായി നടപ്പാക്കും.
എംഒപിഎച്ച് രജിസ്റ്റർ ചെയ്ത ആരോഗ്യ ഇൻഷുറൻസ് കമ്പനികളിൽ നിന്ന് സന്ദർശകർക്ക് ആരോഗ്യ ഇൻഷുറൻസ് പോളിസി ലഭ്യമാക്കുന്നത് ഉൾപ്പെടെ പദ്ധതിയുടെ ആദ്യ ഘട്ടം ആരംഭിക്കുന്നതിന് ആവശ്യമായ ക്രമീകരണങ്ങൾ മന്ത്രാലയം സജ്ജമാക്കിയിട്ടുണ്ട്.
സന്ദർശകർക്കുള്ള ഇൻഷുറൻസ് പോളിസി അടിയന്തര, അപകട സേവനങ്ങൾ മാത്രമാണ് ഉൾക്കൊള്ളുന്നത്. പ്രാരംഭ ഇഷ്യൂ ചെയ്യുമ്പോഴും വിസ നീട്ടുമ്പോഴും പ്രതിമാസം QR50 പ്രീമിയം നൽകണം. അധിക സേവനങ്ങൾ ഉൾക്കൊള്ളുന്ന ഒരു ആരോഗ്യ ഇൻഷുറൻസ് പോളിസിയും സന്ദർശകന് നേടാനാകും, ഇൻഷുറൻസ് കമ്പനികളുടെ വിലയെ ആശ്രയിച്ച് അത്തരം പോളിസികളുടെ പ്രീമിയം വ്യത്യാസപ്പെടും.
MoPH വെബ്‌സൈറ്റിൽ ലഭ്യമായ ലിങ്കുകൾ വഴി സന്ദർശകർക്ക് രജിസ്റ്റർ ചെയ്ത ഇൻഷുറൻസ് കമ്പനികളിലൊന്ന് തിരഞ്ഞെടുക്കാമെന്ന് മന്ത്രാലയം ചൂണ്ടിക്കാട്ടി.
സന്ദർശകർ ഖത്തറിലേക്കുള്ള എൻട്രി വിസയ്ക്ക് അപേക്ഷിക്കുമ്പോൾ, സന്ദർശക വിസ ലഭിക്കുന്നതിനുള്ള ആവശ്യകതകളിൽ ഒന്നായതിനാൽ അവർക്ക് ആരോഗ്യ ഇൻഷുറൻസ് പോളിസി ഉണ്ടായിരിക്കണം. സന്ദർശക വിസ നീട്ടുമ്പോഴും ഇതേ നടപടിക്രമം ബാധകമാണ്.
അന്താരാഷ്‌ട്ര ആരോഗ്യ ഇൻഷുറൻസ് കൈവശമുള്ള സന്ദർശകരുടെ ഇൻഷുറൻസ് പോളിസിയിൽ ഖത്തർ ഉൾപ്പെട്ടിരിക്കണം. കൂടാതെ അവർ രാജ്യത്ത് താമസിക്കുന്ന സമയത്ത് അതിന് സാധുത ഉണ്ടാവണം. ഖത്തറിൽ അംഗീകരിച്ച ഇൻഷുറൻസ് കമ്പനി ആയിരിക്കണമെന്നും MoPH സൂചിപ്പിച്ചു.
ആരോഗ്യ ഇൻഷുറൻസ് സ്കീമിനെ കുറിച്ചുള്ള കൂടുതൽ വിവരങ്ങൾക്കും MOPH രജിസ്റ്റർ ചെയ്ത ഇൻഷുറൻസ് കമ്പനികളുടെ ലിസ്റ്റിനും, ഈ ലിങ്ക് സന്ദർശിക്കുക: https://www.moph.gov.qa/english/derpartments/policyaffairs/hfid/Pages/Health-Insurance-Scheme.aspx
🇶🇦 ഖത്തറിലെ വാർത്തകളും വിവരങ്ങളും തത്സമയം ലഭിക്കാൻ -വാട്ട്സ്ആപ്പ് ഗ്രൂപ്പ്👇https://chat.whatsapp.com/C5SlZkH4ATOIBY0CThW5zB
