പൊതുമരാമത്ത് അതോറിറ്റിയായ അഷ്ഗാൽ, അൽ വക്ര റോഡ് ഭാഗികമായി അടച്ചിടുമെന്ന് പ്രഖ്യാപിച്ചു.
ദോഹയിൽ നിന്ന് അൽ വക്രയിലേക്ക് വരുന്ന വാഹനങ്ങൾക്കായി റാസ് ബു ഫോണ്ടാസ് ഇന്റർചേഞ്ചിന് തൊട്ടുപിന്നാലെ 300 മീറ്റർ ദൂരത്തേക്ക് ഫാസ്റ്റ് ലെയ്ൻ അടച്ചിടും. 2025 സെപ്റ്റംബർ 20 ശനിയാഴ്ച മുതൽ 40 ദിവസത്തേക്ക് അടച്ചിടൽ ഉണ്ടാകും.
ജനറൽ ഡയറക്ടറേറ്റ് ഓഫ് ട്രാഫിക്കുമായി ഏകോപിപ്പിച്ച് റാസ് ബു ഫോണ്ടാസ് ഇന്റർചേഞ്ചിനും അൽ വക്ര സ്ട്രീറ്റ് ഇന്റർചേഞ്ചിനും ഇടയിലുള്ള ശേഷിക്കുന്ന നിർമാണ ജോലികൾ പൂർത്തിയാക്കുന്നതിന് വേണ്ടിയാണ് അടച്ചിടൽ.
ദോഹയിൽ നിന്ന് അൽ വക്രയിലേക്ക് വരുന്ന റോഡ് ഉപയോക്താക്കൾ ട്രാഫിക് അടയാളങ്ങൾ ശ്രദ്ധിക്കാനും നിലവിലുള്ള വേഗത പരിധികൾ പാലിക്കാനും അഷ്ഗാൽ നിർദ്ദേശിക്കുന്നു.
