2022 ആദ്യദിനം മുതൽ ഖത്തറിൽ ലുസൈൽ ട്രാം പരീക്ഷണാടിസ്ഥാനത്തിൽ ഓടിത്തുടങ്ങും. 4 ലൈനുകളിലായി 25 സ്റ്റേഷനുകളുള്ള ലുസൈൽ ട്രാമിൽ, ആദ്യ ഘട്ടത്തിൽ, ഓറഞ്ച് ലൈനിന്റെ ഭാഗമായി 6 സ്റ്റേഷനുകളാണ് ജനുവരി 1 മുതൽ സർവീസ് ആരംഭിക്കുക.
നിലവിലുള്ള ദോഹ മെട്രോ ട്രാവൽ കാർഡുകൾ ഉപഭോക്താക്കൾക്ക് ലുസൈൽ ട്രാമിലും ഉപയോഗിക്കാം. ഇതിനായി അധിക ചെലവുകളില്ല. എന്നാൽ രണ്ടുതവണ പണമടയ്ക്കുന്നത് ഒഴിവാക്കാൻ ട്രാമിലെ വാലിഡേറ്റർ ഉപയോഗിച്ച് ടാപ്പ് ഇൻ & ടാപ്പ് ഔട്ട് ചെയ്യാൻ ഉപഭോക്താക്കൾ എപ്പോഴും ഓർക്കണം.
ദോഹ മെട്രോയുടെ അതേ സമയക്രമമാണ് ലുസൈൽ ട്രാമും പിന്തുടരുക. ശനി മുതൽ ബുധൻ വരെ, രാവിലെ 6 മുതൽ രാത്രി 11 വരെയും, വ്യാഴാഴ്ച രാവിലെ 6 മുതൽ രാത്രി 11:59 വരെയും, വെള്ളിയാഴ്ച ഉച്ച തിരിഞ്ഞ് 2 മുതൽ രാത്രി 11:59 വരെയുമാവും സർവീസ്. 5 മിനിറ്റ് ഇടവേളയിൽ സർവീസ് ലഭ്യമാകും.
അതേസമയം, റോഡ് ഉപയോക്താക്കളും കാൽനട യാത്രക്കാരും ട്രാമിന്റെ സഞ്ചാരവും ഇലവേറ്റഡ് സ്റ്റെപ്പുകളും ശ്രദ്ധിക്കുകയും എല്ലാ സുരക്ഷനിര്ദേശങ്ങളും പാലിക്കുകയും ചെയ്യണമെന്ന് ഖത്തർ റെയിൽ അറിയിച്ചു.
As the Lusail Tram preview service will start very soon, we urge road users and pedestrians to follow the road safety guidelines.
— Qatar Rail (@QatarRail) December 30, 2021
Wishing everyone a safe journey. pic.twitter.com/xZ5efNFagZ
ആദ്യ ഘട്ടത്തിൽ, ഓറഞ്ച് ലൈനിന്റെ ഭാഗമായി 6 സ്റ്റേഷനുകളാണ് സർവീസ് ആരംഭിക്കുന്നത്: മറീന, മറീന പ്രൊമെനേഡ്, യാച്ച് ക്ലബ്, എസ്പ്ലനേഡ്, എനർജി സിറ്റി സൗത്ത്, കൂടാതെ ട്രാമും ദോഹ മെട്രോ സ്റ്റേഷനും സംയോജിതമായ ലെഗ്തൈഫിയ എന്നിവയാണവ.
نتطلع للترحيب بكم على متن ترام لوسيل!#ترام_لوسيل pic.twitter.com/LyTIbKUzDe
— Doha Metro & Lusail Tram (@metrotram_qa) December 31, 2021
