ഖത്തറിൽ ഈ വർഷം നടക്കുന്ന ഫിഫ ടൂർണമെന്റുകളുടെ വളണ്ടിയർ രജിസ്‌ട്രേഷൻ ആരംഭിച്ചു

ഫിഫ U-17 വേൾഡ് കപ്പ് ഖത്തർ 2025, ഫിഫ അറബ് കപ്പ് ഖത്തർ 2025 എന്നിവയ്ക്കുള്ള വളണ്ടിയർ രജിസ്ട്രേഷൻ ആരംഭിച്ചതായി ഫിഫയും ലോക്കൽ ഓർഗനൈസിംഗ് കമ്മിറ്റിയും (LOC) അറിയിച്ചു. 3-2-1 ഖത്തർ ഒളിമ്പിക് & സ്പോർട്ട്സ് മ്യൂസിയത്തിലാണ് പ്രഖ്യാപനം നടത്തിയത്. ഈ വർഷം നവംബർ, ഡിസംബർ മാസങ്ങളിൽ നടക്കുന്ന രണ്ട് ടൂർണമെന്റുകളിലും സൈൻ അപ്പ് ചെയ്യാനും സഹായങ്ങൾക്കായും വളണ്ടിയർമാരെ ക്ഷണിക്കുന്നു.

30 വ്യത്യസ്‌ത ചുമതലകൾക്കായി ഏകദേശം 4,000 വളണ്ടിയർമാരെ തിരഞ്ഞെടുക്കും. ടൂർണമെന്റ് പ്രവർത്തനങ്ങൾ, മാധ്യമങ്ങൾ, കാണികൾക്കുള്ള സേവനങ്ങൾ, അക്രഡിറ്റേഷൻ, ഹോസ്പിറ്റാലിറ്റി, തുടങ്ങി 20 മേഖലകളിലായി അവർ പ്രവർത്തിക്കും.

പരിപാടികൾ വിജയകരമാക്കാൻ സഹായിക്കുന്നതിന് ഫിഫയും LOCയും താൽപര്യവും ഉത്സാഹവുമുള്ള ആളുകളെ തിരയുന്നു. ഖത്തറിന്റെ പ്രതിനിധികൾ എന്ന നിലയിലും വളണ്ടിയർമാർക്ക് പ്രാധാന്യമുണ്ട്.

അപേക്ഷിക്കാൻ, നിങ്ങൾ ഖത്തറിൽ താമസിക്കുന്ന ആളായിരിക്കണം, കുറഞ്ഞത് 18 വയസ്സ് പ്രായമുണ്ടായിരിക്കണം, ഇംഗ്ലീഷ് നന്നായി സംസാരിക്കാൻ അറിയണം (അറബിക് അല്ലെങ്കിൽ മറ്റ് ഭാഷകൾ അറിയുന്നത് ഒരു മുൻഗണന ആണ്), ടൂർണമെന്റിന് മുമ്പുള്ള പരിശീലനത്തിനും ടൂർണമെന്റിലും ലഭ്യമായിരിക്കണം.

ഇതിനായി വളണ്ടിയർ രംഗത്ത് മുൻ പരിചയം ആവശ്യമില്ല, പക്ഷേ ഒരു ടീമിൽ പ്രവർത്തിക്കുന്നത് ആസ്വദിക്കുകയും സൗഹൃദപരമായ മനോഭാവം പുലർത്തുകയും വേണം.

രജിസ്ട്രേഷൻ രണ്ടാഴ്ച്ചത്തേക്ക് തുറന്നിരിക്കും. ജൂണിൽ തിരഞ്ഞെടുപ്പ് ആരംഭിക്കും. ലുസൈൽ സ്റ്റേഡിയത്തിലെ വളണ്ടിയർ റിക്രൂട്ട്‌മെന്റ് സെന്ററിലാണ് അഭിമുഖങ്ങൾ നടക്കുക. ഖത്തറിലെ മുൻ ഫിഫ പരിപാടികളിൽ നിങ്ങൾ വോളണ്ടിയർ ആയിട്ടുണ്ടെങ്കിൽ അഭിമുഖം ആവശ്യമില്ല.

രണ്ട് ടൂർണമെന്റുകൾക്കും ഒരു അപേക്ഷ മാത്രമാണ് വേണ്ടത്. നിങ്ങൾക്ക് ഇഷ്ടപ്പെട്ട പരിപാടി തിരഞ്ഞെടുക്കാം. പരിപാടികൾ ഒരേ സമയം നടക്കുന്നതിനാൽ, ഓരോ വളണ്ടിയറെയും ഒരെണ്ണത്തിലേക്ക് മാത്രമേ നിയോഗിക്കൂ. നിങ്ങളുടെ ലഭ്യത, നിങ്ങളുടെ പ്രൊഫൈൽ, പരിപാടിയുടെ ആവശ്യങ്ങൾ എന്നിവയെ ആശ്രയിച്ചാണ് നിങ്ങളെ തിരഞ്ഞെടുക്കുക.

വളണ്ടിയർമാർക്ക് ഇനിപ്പറയുന്നവ ലഭിക്കും:

– അവരുടെ ചുമതലക്കുള്ള പരിശീലനം

– ഔദ്യോഗിക വളണ്ടിയർ യൂണിഫോം

– അവരുടെ ഷിഫ്റ്റ് സമയത്തെ ഭക്ഷണം

– വേദിയിലേക്കും തിരിച്ചും സൗജന്യ പൊതുഗതാഗതം

– പ്രത്യേക സമ്മാനങ്ങളും സുവനീറുകളും

– സുഹൃത്തുക്കളെ ഉണ്ടാക്കാനും പുതിയ കഴിവുകൾ പഠിക്കാനുമുള്ള അവസരം

– ജീവിതത്തിൽ ഒരിക്കൽ മാത്രമുണ്ടാകാൻ സാധ്യതയുള്ള അനുഭവം

രജിസ്റ്റർ ചെയ്യാൻ താൽപര്യമുള്ളവർ ഇവിടെ ക്ലിക്ക് ചെയ്യുക.

ഖത്തറിലെ വാർത്തകളും വിവരങ്ങളും തത്സമയം ലഭിക്കാൻ -വാട്ട്സ്ആപ്പ് ഗ്രൂപ്പ് 👇https://chat.whatsapp.com/D4WDfhjld0jFXSYHVlwyf2